Ц.БАЯР

Ховд аймгийн “Хөгжил” политехник коллежи 25 суралцагчтайгаар хичээлээ эхэлсэн байна. Мал маллах сонирхолтой залуус ховордож байгаа учраас мал аж ахуйн үйлдвэрлэлийг хөгжлийн шинэ шатанд гаргах, малчдын залуу халааг сурган бэлтгэх, малч ухааныг өвлүүлэх арга замыг тодорхойлох зорилгоор Хөдөлмөрийн яамнаас санаачлан энэхүү ангийг нээжээ. Мөн Баянхонгор, Булганы ХАА-н МСҮТ, -д  бүсчилж нээх зорилготой байна. Малчны ангийг төгсөгчдийг “Малчдын хөдөлмөр эрхлэлтийг дэмжих хөтөлбөр”-т илүү өргөн хүрээтэй хамруулах боломжтой. Хөдөө аж ахуйн чиглэлээр төрөлжсөн сургалттай мэргэжлийн боловсрол, сургалтын байгууллагуудад “Малчны мэргэжлийн анги”-ийг ийнхүү нээх нь мал маллах шинжлэх ухааны  онолын мэдэгдэхүүнийг уламжлалт арга барилтай хамт эзэмшсэн орчин үеийн малчид шинээр төрөн гарах үүд нээгдэж байгаа ажээ.

Эх сурвалж:www.zms.mn