2026.10.08: Улстөрчдийн хэн, юу хэлэв

2026-10-09
Нийтэлсэн: Админ
 5 мин унших

Т.САЙХАН

УИХ-ын намрын чуулган үргэлжилж, 2026 оны төсвийн тодотгол, төсвийн хөрөнгийн зарцуулалт, Засгийн газрын үйл ажиллагаанд тавих парламентын хяналттай холбоотой асуудлаар улстөрчид байр сууриа илэрхийллээ. Тухайлбал, АН-аас зохион байгуулдаг ээлжит “4/11” мэдээллийн цагаар УИХ-ын гишүүд төсвийн тодотголд тусгасан зарим зардал, УИХ-аар батлагдаагүй хөрөнгийн зарцуулалттай холбоотой асуудлыг хөндөв. Аравдугаар сарын 8-нд илэрхийлсэн байр сууриудыг хүргэж байна.

 

Ерөнхий сайд асан Г.Занданшатар: Хулгай, худалтай эвлэрэхгүй, шударга ёсноос ухрахгүй

 

-Хулгай, худалтай эвлэрэхгүй. Шударга ёсноос ухрахгүй. Энэ бол зөвхөн миний байр суурь биш. “Нэг Монгол” үндэсний хөдөлгөөний уулзалтад оролцсон 1000 орчим иргэний дунд ч ийм итгэл үнэмшил хүчтэй байгааг мэдэрлээ. Монголын төрд шударга ёсыг тогтоох, хууль хүн бүрд ижил тэгш үйлчилдэг болгох, хариуцлагыг бодитоор нэхдэг тогтолцоог бий болгохын төлөө бидэнд хийх ажил их байна.Өнөөдөр нийгэмд тулгамдаж байгаа авлига, хулгай, шударга бус байдлыг зөвхөн нэг хүн, нэг албан тушаалтантай тэмцсэнээр шийдвэрлэх боломжгүй. Асуудлыг үүсгэж байгаа тогтолцоо, дүрэм журмыг өөрчлөх шаардлагатай. Эдийн засаг өсөж байгаа ч түүний үр өгөөж иргэдийн амьдралд бодитоор хүрэхгүй байгаа асуудлыг залуус хөндөж байна. Тиймээс нийгэм, эдийн засгийн шинэчлэлийг бодит ажил болгоход иргэд, залуучууд, эрдэмтэн судлаачид, бизнес эрхлэгчдийн оролцоо чухал. Шударга ёсны төлөө хамтдаа зогсож, зөв зүйл дээрээ нэгдэх ёстой. Хариуцлагатай, хууль хүн бүрд тэгш үйлчилдэг төрийг бий болгох нь бидний зорилго байх учиртай. Үүнийг нэг хүн дангаараа хийхгүй. Хорвоо дэлхий уужим, хийх зүйл их байна.

 

УИХ-ын гишүүн Х.Тэмүүжин: Засгийн газар парламентын бүрэн эрхэд халдаж болохгүй

 

-Эрүүгийн хуулийн 22.8 дугаар зүйлд төсвийн хөрөнгийг зориулалтын бусаар зарцуулахыг гэмт хэрэгт тооцсон. Төсөв захирагч төсвийн хөрөнгийг зориулалтын бусаар зарцуулсан бол нэгээс таван жил хүртэл хугацаагаар хорих ял шийтгэх зохицуулалт бий. Үүнийг орон нутгийн Засаг дарга эсвэл доод шатны албан тушаалтан хийсэн бол эрүүгийн хариуцлага хүлээх асуудал яригдана. Харин Засгийн газар, сайд нар хийсэн тохиолдолд яах вэ. Эрх баригч олонх, намынхаа нэрээр Эрүүгийн хуулийг давж алхаж болох уу. УИХ-ын батлаагүй чиглэлд төсвийн хөрөнгө зарцуулсан гэдгээ өөрсдөө илэрхийлж байна. Гэтэл хууль яагаад эдгээр албан тушаалтанд үйлчлэхгүй байгаа юм бэ. Харин ч энэ асуудал УИХ-ын буруу мэт болж хувирч байна. Засгийн газар парламентын бүрэн эрхэд халдаж болохгүй.

 

УИХ-ын гишүүн А.Ганбаатар: Иргэдийн аюулгүй байдлыг хангах үүрэгтэй шат шатны албан тушаалтнууд хариуцлага хүлээх ёстой

 

-Баянзүрх дүүргийн Улиастай орчимд баавгай айл руу дайрч, хүний амь эрсэдсэн харамсалтай хэрэг гарлаа. Юуны өмнө амь насаа алдсан иргэний ар гэр, төрөл төрөгсдөд гүн эмгэнэл илэрхийлье. Талийгаачийн ар гэрт өөрийн нэг сарын цалингаа хандивлахаар шийдсэн.Энэ бол зөвхөн нэг айл өрхөд тохиолдсон харамсалтай явдал биш. Иргэдийн амь нас, эрүүл мэнд, аюулгүй байдлыг хамгаалах төрийн байгууллагуудын үүрэг, хариуцлагатай холбоотой асуудал юм. Зэрлэг амьтан суурьшлын бүсэд орж ирж, хүний амь насанд хүрсэн ийм ноцтой хэрэг гарч байхад холбогдох байгууллагууд ямар арга хэмжээ авч ажилласан, эрсдэлээс урьдчилан сэргийлэх боломж байсан эсэхийг зайлшгүй шалгаж тогтоох шаардлагатай. Иргэдийн аюулгүй байдлыг хангах үүрэгтэй шат шатны албан тушаалтнууд хариуцлага хүлээх ёстой. Ийм хэрэг гарсны дараа харамсаж, эмгэнэл илэрхийлээд өнгөрөх биш, дахин давтагдахаас сэргийлэх бодит арга хэмжээ авах нь чухал. Хүний амь нас, аюулгүй байдлын асуудалд хайнга хандаж болохгүй.

 

УИХ-ын гишүүн Ж.Баярмаа: Хэвлэлд өгсөн мэдээлэл маань олон нийтийн шүүмжлэлд өртсөн тул албан ёсоор уучлалт гуйж байна

 

-Жеффри Эпштейнтэй холбоотой асуудлаар зохион байгуулсан хяналтын сонсголын үеэр нэгэн иргэн санаанд багтамгүй, цочирдом зүйл ярьсан. Тухайлбал, Ерөнхийлөгч асан Ц.Элбэгдоржийн асран халамжид шилжсэн гэх хүүхдүүдийн хувь заяатай холбоотой ноцтой мэдээлэл хэлсэн. Энэ нь зөвхөн сонсголд оролцож байгаа хүмүүс төдийгүй олон нийтийн анхаарлыг татсан асуудал болсон. Тиймээс тухайн иргэний хэлсэн мэдээлэл үнэн эсэх, хүүхдүүд хаана байгаа, тэдний амь нас, эрүүл мэнд, аюулгүй байдал хангагдсан эсэхийг холбогдох байгууллагуудаас тодруулах шаардлагатай гэж үзсэн. Энэ хүрээнд цагдаагийн байгууллагаас мэдээлэл хүсэж, тодорхой хариулт авсан. Холбогдох байгууллагын өгсөн мэдээллээр Ерөнхийлөгч асан Ц.Элбэгдоржийн асран халамжид шилжсэн гэх хүүхдүүд эсэн мэнд байгаа гэсэн.  Хүүхдүүд ор сураггүй болсон, амь насанд нь аюул учирсан гэх мэтээр яригдсан асуудлыг албан ёсны байгууллагын мэдээлэлд тулгуурлан нягтлах шаардлагатай байсан. Тухайн асуудал хүүхдүүдийн хувь заяа, хүний эрх, нэр төртэй холбоотой учраас мэдээлэл өгөхдөө маш хариуцлагатай хандах ёстой байсныг ойлгож байна. Миний хэвлэлд өгсөн ярилцлагаас үүдэн олон нийтийн дунд шүүмжлэл гарсан тул энэ үйлдэлдээ албан ёсоор уучлалт гуйж байна.

 

УИХ-ын гишүүн П.Батчимэг: Т.Доржханд сайдад дэлхийд гишгээгүй газар үлдсэн үү?

 

-Тэргүүн шадар сайд Т.Доржханд та Монголдоо, яамандаа ажиллах юм уу, үгүй юу.  Дэлхийд таны гишгээгүй газар үлдсэн юм уу. Гадаад томилолтын зардал нь 718 хувиар нэмэгдсэн байна. Гэтэл дотоод томилолтын зардал байхгүй байна. Тэргүүн шадар сайдын эрхлэх асуудлын хүрээнд Монгол Улсын эдийн засаг, хөгжлийн бодлого, хөрөнгө оруулалттай холбоотой олон чухал ажил бий. Гадаад томилолтод ийм хэмжээний зардал төсөвлөж байгаа бол түүний үр дүн, улс орны эдийн засагт үзүүлэх бодит өгөөжийг тодорхой тайлбарлах шаардлагатай. Төрийн өндөр албан тушаалтнуудын гадаад томилолт тодорхой зорилготой, хэмжигдэхүйц үр дүнтэй байх ёстой. Тиймээс энэ зардлыг ямар үндэслэлээр нэмэгдүүлсэн, өмнөх томилолтууд ямар үр дүнд хүрсэн талаар тайлбар өгөх шаардлагатай.

 

Эх сурвалж: “Зууны мэдээ” сонин

2026 ОНЫ АРАВДУГААР САРЫН 9. БААСАН ГАРАГ. № 191 (7933)

 

Хуурамч мэдээлэл хаа сайгүй тархах болсон энэ үед баримттай, эх сурвалжтай, үнэн бодитой мэдээллийг “Зууны мэдээ” сониноос аваарай.

Үнэн мэдээллийг хамтдаа хамгаалцгаая.

Бие даасан сэтгүүл зүйг дэмжин "Зууны мэдээ" захиалаарай. www.zuuniimedee.mn

 

 

Энэ мэдээ танд ямар санагдав?
0
0
0
0
0
0
Хонконгт зорчих иргэдэд тамхи тээвэрлэхтэй холбоотой хуулийн зохицуулалтыг анхаарууллаа

Хонконгт зорчих иргэдэд тамхи тээвэрлэхтэй холбоотой хуулийн зохицуулалтыг анхаарууллаа

19 мин
Гэмт хэрэг үйлдсэн УИХ-ын гишүүнийг эгүүлэн татах заалтын талаар ҮХЦ-д маргаан үүсгэжээ

Гэмт хэрэг үйлдсэн УИХ-ын гишүүнийг эгүүлэн татах заалтын талаар ҮХЦ-д маргаан үүсгэжээ

31 мин
Монгол, Оросын хамтарсан судалгаагаар Эгийн голын УЦС-ын төсөл байгаль орчинд сөрөг нөлөөгүй гэсэн дүгнэлт гарчээ

Монгол, Оросын хамтарсан судалгаагаар Эгийн голын УЦС-ын төсөл байгаль орчинд сөрөг нөлөөгүй гэсэн дүгнэлт гарчээ

37 мин
Улсын нөөцийн хуулийн төслийг Аюулгүй байдлын байнгын хорооны 57.9 хувь дэмжжээ

УИХ-ын нэгдсэн хуралдаанд 2026 оны 11 дүгээр сарын 12-ны өдөр УИХ-ын гишүүн Г.Хосб

Уржигдар 13 цаг 00 мин
Шадар сайд: Улсын нөөцийн хуулийн төсөл нөөцийг эрсдэлийн үнэлгээнд үндэслэн, нэгдсэн цахим бүртгэлд шилжүүлнэ

УИХ-ын нэгдсэн хуралдаан 2026 оны 11 дүгээр сарын 12-ны өдөр Засгийн газраас өргөн мэдүүл

Уржигдар 12 цаг 57 мин
Хууль бусаар хөрөнгөжсөн албан хаагчийн хөрөнгийг хураах саналыг Хууль зүйн байнгын хороонд шилжүүллээ

УИХ-ын дарга С.Бямбацогт 2026 оны 11 дүгээр сарын 12-ны нэгдсэн хур

Уржигдар 12 цаг 55 мин
Хуулийн төслүүдийг байнгын хороодод хуваарилав

УИХ-ын дарга С.Бямбацогт 2026 оны 11 дүгээр сарын 12-ны нэгдсэн хуралдааны эхэнд өргө

Уржигдар 12 цаг 52 мин
Г.Жаргалсайхан: Цусан дахь сахарын хэмжээгээ тогтмол хянаж хэвшвэл диабетаас сэргийлж чадна

Жил бүрийн арваннэгдүгээр сарын 14-ний өдрийг дэлхий нийтээр “Чихрийн шижин ө

Уржигдар 06 цаг 05 мин
З.Мэндсайхан: “Рио Тинто” групп ногдол ашгийг гурван үе шаттайгаар төвлөрүүлэхээ илэрхийлсэн

Сангийн сайд З.Мэндсайхан “Оюу Толгой”-н ногдол ашгийн асуудлаар байр сууриа илэрхийллээ.

Уржигдар 06 цаг 00 мин