"Засгийн газрыг огцруулахыг дэмжиж, үргэлжлүүлэн гарын үсэг зуруулна"

2026-10-01
Нийтэлсэн: Админ
 2 мин унших

Ч.Бямбаа 

Ардчилсан намаас өнөөдөр "4/11" мэдээллийн цаг ээлжит хэвлэлийн хурал хийлээ. 

 


УИХ-ын гишүүн Л.Мөнхбаясгалан:

-Шатахууны хомсдол долдугаар сараас бодитоор эхэлсэн. Тухайн үед би Аж үйлдвэр, эрдэс баялгийн сайд Г.Дамдиннямтай хэд хэдэн удаа утсаар ярьж, Засгийн газарт ч хүлээцтэй хандаж ирсэн. Харин одоо энэ хүлээц байхгүй болсон. Яагаад гэвэл эдгээр сайд өөрсдөө нэг удаа хүйтэнд, шатахуунд дугаарлаж үзсэн үү? Энэ асуудлыг бодитоор шийдвэрлэхгүй байна.

Г.Дамдинням сайдын ярьж байгаагаар бол их ажил хийж байгаа. Япон улсаас хүртэл шатахуун нөөцлөх сав барихад хөрөнгө оруулалт татах, Солонгос, Хятадаас хөрөнгө оруулалт татахаар ажиллаж байна гэж ярьсаар гурван сар боллоо.

Г.Дамдинням 2025 оны зургадугаар сард Аж үйлдвэр, эрдэс баялгийн сайдаар томилогдсон. Сайд болохдоо бүхнийг чаддаг, мэддэг гэдгээ УИХ-д илэрхийлж, тангараг өргөсөн.

Мөн 2025 оны арванхоёрдугаар сарын 12-нд Стратегийн ач холбогдол бүхий бүтээгдэхүүний хангамж, нийлүүлэлтийг дэмжих тухай хуулийг УИХ баталсан. Энэ хуулийн хүрээнд газрын тос, шатахуун импортлогч компаниудад нийт 500 тэрбум төгрөгийн санхүүжилт олгож, шатахууны нөөцийн сав, агуулах барихад дэмжлэг үзүүлэхээр зохицуулсан. Өөрөөр хэлбэл, Монголбанкнаас арилжааны банкаар дамжуулан шатахуун импортлогч компаниудад нөөцийн сав барих зориулалтаар зээл олгох эрх зүйн зохицуулалт бүрдсэн.

Анх энэ санхүүжилтийн хүү 13.5 хувьтай байсан бол арилжааны банкаар дамжих явцад эрсдэл, шимтгэл нэмэгдэж, 18 хувийн хүүтэй болсон. Харин одоо зээлийн хүүгийн татаасаар бодит хүүг есөн хувь болгохоор зохицуулсан. 2026 оны төсөвт зээлийн хүүгийн татааст 20 тэрбум төгрөг тусгасан талаар салбарын яам мэдээлсэн.

Тэгвэл ямар компаниуд энэ хөнгөлөлттэй санхүүжилтийг авч, шатахууны нөөцийн сав барьж байгаа вэ гэдгийг харъя.

  • Шунхлай трейдинг ХХК – 30 тэрбум төгрөг
  • НИК ХХК – 16.104 тэрбум төгрөг
  • Петро хаан ХХК – 10 тэрбум төгрөг
  • Шинэ Эрин Ойл ХХК – 6 тэрбум төгрөг
  • Монсуль ХХК – 5.1705 тэрбум төгрөг
  • Синчи Ойл ХХК – 5.1 тэрбум төгрөг
  • Тэс Петролиум ХХК – 5 тэрбум төгрөг
  • Сан петролиум ХХК – 5 тэрбум төгрөг
  • Содмонгол групп ХХК – 3.131 тэрбум төгрөг
  • Өү Жи Энержи Ойл ХХК – 2.75 тэрбум төгрөг
  • Веллком ХХК – 2.75 тэрбум төгрөг
  • Петролайн ХХК – 2.7 тэрбум төгрөг
  • Интернэйшнл ХХК – 2.5 тэрбум төгрөг
  • Морьт говь ойл ХХК – 2.5 тэрбум төгрөг
  • Либра Энержи ХХК – 2 тэрбум төгрөг
  • Ди Би ойл ХХК – 750 сая төгрөг
  • Хөрс-Авто сервис ХХК – 397 сая төгрөг

Мөн Содмонгол групп ХХК 2025 оны есдүгээр сарын 17-нд “Эрдэнэс Тавантолгой” ХК-ийн дизель түлш нийлүүлэх 450 тэрбум төгрөгийн тендерт ганцаараа оролцож, шалгарсан гэх асуудалд Г.Дамдинням сайдыг хардаж байна гэлээ.

Монгол Улсын нефтийн импортын зах зээл дээр эргэлддэг 2 тэрбум 500 сая ам.доллар 9 их наяд төгрөгтэй тэнцэнэ. Монгол Улсын төсвийн 3/1 шүү. Энэ мөнгийг Г.Дамдинням сайдын мэдэл рүү шилжиж байна. Би үүнийг МАН-ны сонгуульд зориулсан буюу, энэ намын санхүүгийн дэмжлэг гэж ойлгож байна. Г.Дамдинням шиг сайд Монгол Улсын түүхэнд байгаагүй.

О.Цогтгэрэл даргын Засгийн газрыг огцруулах албан бланкыг дэмжиж үргэлжлүүлэн гарын үсэг зуруулна гэлээ.

Энэ мэдээ танд ямар санагдав?
0
0
0
0
0
0
Голомт банк “Euromoney Awards”-ын дөрвөн төрөлд шилдгээр шалгарлаа

Дэлхийн банк санхүүгийн салбарын чиг хандлагыг тодорхойлогч

4 цаг 48 мин
Өвөрхангай аймгийн Засаг даргаар Т.Жамбалцэрэнг томилжээ

Өвөрхангай аймгийн Засаг даргаар Т.Жамбалцэрэнг томиллоо

6 цаг 31 мин
Грекийн бурхад Ноён уулд, Хүннүгийн өв Миланд

Fondazione Prada (Прада сан) -гийн “Global Antiquity” үзэсгэлэнгээс хийсэн тэмдэглэл

14 цаг 43 мин
2026.11.13: Улстөрчдийн хэн юу хэлэв?

Өнгөрсөн баасан гарагт УИХ-ын чуулганы нэгдсэн хуралдаанаар ирэх оны төсвийн төслийг хэлэлцэн баталлаа. 

14 цаг 43 мин
Эрдэмтэн Ж.Цэвээний сэтгүүл зүйн үйл ажиллагааны талаар эрдэм шинжилгээний хурал

Орчин цагийн Монголын сэтгүүл зүйг үндэслэгчдийн нэг, их соён гэгээрүүлэгч, эрдэмтэн Жамсрангийн Цэвээний мэндэлсний 145 жилийн ойд зориулсан эрдэм шинжилгээний хурал 2026 оны арваннэгдүгээр сарын 16-нд зохион байгуулагдана.

Өчигдөр 15 цаг 44 мин
В.Путин, Д.Трамп, Ши Жиньпин нарын уулзалтын талаар юу мэдэгдэж байна вэ?

Владимир Путин, Ши Жиньпин, Дональд Трамп нар түүхэндээ анх удаа Орос, Хятад, АНУ-ын удирдагчдын

Өчигдөр 15 цаг 26 мин
Хонконгт зорчих иргэдэд тамхи тээвэрлэхтэй холбоотой хуулийн зохицуулалтыг анхаарууллаа

Хонконгт зорчих иргэдэд тамхи тээвэрлэхтэй холбоотой хуулийн зохицуулалтыг анхаарууллаа

Өчигдөр 11 цаг 35 мин
Гэмт хэрэг үйлдсэн УИХ-ын гишүүнийг эгүүлэн татах заалтын талаар ҮХЦ-д маргаан үүсгэжээ

Гэмт хэрэг үйлдсэн УИХ-ын гишүүнийг эгүүлэн татах заалтын талаар ҮХЦ-д маргаан үүсгэжээ

Өчигдөр 11 цаг 24 мин
Монгол, Оросын хамтарсан судалгаагаар Эгийн голын УЦС-ын төсөл байгаль орчинд сөрөг нөлөөгүй гэсэн дүгнэлт гарчээ

Монгол, Оросын хамтарсан судалгаагаар Эгийн голын УЦС-ын төсөл байгаль орчинд сөрөг нөлөөгүй гэсэн дүгнэлт гарчээ

Өчигдөр 11 цаг 18 мин
Улсын нөөцийн хуулийн төслийг Аюулгүй байдлын байнгын хорооны 57.9 хувь дэмжжээ

УИХ-ын нэгдсэн хуралдаанд 2026 оны 11 дүгээр сарын 12-ны өдөр УИХ-ын гишүүн Г.Хосб

2026-11-13