Сонгуулийн ерөнхий хороо Ардчилсан орнуудын хамтын нийгэмлэг (Community of Democracies)-тэй хамтран АНУ-ын Төрийн департаментын санхүүжилтээр хэрэгжүүлж байгаа "Баримтаар баталгаажуулъя: Монгол Улсад сонгуультай холбоотой мэдээллийн үнэн зөв байдлыг хангах нь" төслийн хүрээнд зарласан "Баримтаар баталгаажуулъя" илтгэлийн уралдааны шилдэг бүтээлийн зохиогчдод өнөөдөр (2026.09.18) шагнал гардууллаа. 

Сонгуулийн ерөнхий хорооны Мэдээлэл, судалгаа, сургалтын төв, "Сонгогчдын боловсрол төв" ТББ хамтран зохион байгуулсан уг уралдаанд 41 бүтээл ирүүлснээс шүүгчдийн нийлбэр оноогоор дараах бүтээл шалгарсан юм. 

Нэгдүгээр байрт: Монгол Улсын Их Сургуулийн Хууль зүйн сургуулийн Олон улсын эрх зүйн ангийн гуравдугаар түвшний оюутан Н.Намуун, Э.Энхболор нарын хамтарсан "СОНГУУЛИЙН ҮЕИЙН ХУУРАМЧ МЭДЭЭЛЭЛ: ТУЛГАМДСАН АСУУДАЛ" бүтээл шалгарч өргөмжлөл, 1.500.000 төгрөг, үнэ бүхий зүйлээр;

Дэд байрт: Шинжлэх ухаан, технологийн их сургуулийн Мэдээллийн технологийн чиглэлийн 4 дүгээр курсийн оюутан Ч.Басбиш "ХУУРАМЧ МЭДЭЭЛЛЭЭС УРЬДЧИЛАН СЭРГИЙЛЭХ, ИЛРҮҮЛЭХ, ХАРИУ АРГА ХЭМЖЭЭ АВАХ /Улсын Их Хурлын 2024 оны ээлжит сонгуулийн мониторингийн өгөгдөлд тулгуурласан шинжилгээ/" бүтээлээр шалгарч өргөмжлөл, 1.000.000 төгрөг, үнэ бүхий зүйлээр;

Гутгаар байрт: Отгонтэнгэр их сургуулийн Хууль зүйн сургуулийн Эрхзүй 3а ангийн оюутан Б.Төмөрчөдөр "НИЙГМИЙН СҮЛЖЭЭН ДЭХ ХУУРАМЧ МЭДЭЭЛЛЭЭС УРЬДЧИЛАН СЭРГИЙЛЭХ, ИЛРҮҮЛЭХ, ХАРИУ АРГА ХЭМЖЭЭ АВАХ НЬ: МОНГОЛ УЛСЫН ТУРШЛАГА, ОЛОН УЛСЫН ЖИШИГ" бүтээлээр шалгарч өргөмжлөл, 500.000 төгрөг, үнэ бүхий зүйлээр тус тус шагнууллаа.  

Улсын хэмжээнд зохион байгуулж байгаа "Номын баяр" арга хэмжээний үеэр Сонгуулийн ерөнхий хорооны "Баримтаар баталгаажуулъя", "V-check" асарт Сонгуулийн ерөнхий хорооны Мэдээлэл, судалгаа, сургалтын төвийн дарга Б.Гүнчинхүү, "Сонгогчийн боловсрол" ТББ-ын Гүйцэтгэх захирал С.Оюунтуяа нар шагналыг гардуулж, оролцогчдод баяр хүргэсэн юм. 

Шалгарсан бүтээлийг Сонгуулийн ерөнхий хорооны https://m-election.mn/ сайт, "Сонгуулийн боловсрол" онол, арга зүйн сэтгүүлд нийтэлнэ.