Т.САЙХАН

Увс аймгийн Иргэдийн төлөөлөгчдийн хуралдаан өчигдөр болж, Э.Насанбатыг Увс аймгийн Засаг даргаар томилохыг дэмжжээ. Тодруулбал, тус хуралдаанд оролцсон төлөөлөгчдийн 53.13 хувийн санал авч дэмжигдсэн аж. Хуулиараа энэхүү асуудлыг Ерөнхий сайдад уламжилж, батламжуулах ёстой. Түүнийг МАН-ын бүлгээс нэр дэвшүүлсэн байна.

Э.Насанбат нь 1980-1990 онд  Улаангом  сумын 10 жилийн хоёрдугаар дунд сургуулийн 10-р ангийг төгсөж бүрэн дунд боловсрол, 1999 -2002 онд Хөдөлмөрийн дээд сургуулийг эдийн засагч мэргэжлээр дүүргэж, дээд боловсрол, 2007-2009 онд  Технологийн сургуулийг автозамын барилгын инженерийн бакалаврын зэрэг эзэмшиж, 2010-201 онд ХУИС-д эдийн засгийн ухааны  магистр зэрэгтэй  хамгаалсан.

Тэрээр 1992-1998 онд Увс аймгйин  “Дэглий цагаан” ХХК-ны ерөнхий ня-бо, 1998-2003  онд Увс аймгийн Татварын хэлтэст эдийн засагч, 2003-2008 онд Увс аймгийн Засаг даргын тамгын газрын СТСХ-ийн мэргэжилтэн, 2008-2016 онд Увс аймгийн “Мөнхжин өргөө” ХХК-ны захирал,  2016-2020 онд  Увс аймгийн ИТХ-ын даргаар сонгогдон ажиллаж байсан.

Э.Насанбат нь 2012-2016, 2016-2020 онуудад  Увс аймгийн ИТХ-ын төлөөлөгчөөр 2  удаа сонгогдсон байна. Харин 2003 оноос Увс аймгийн МАН-ын хорооны гишүүн, 2014 оноос  Увс аймгийн намын хорооны дэд дарга,  2012-2016 онд аймгийн ИТХ-ын байгал орчин, экологийн тэнцвэрт байдлын хорооны дарга зэрэг сонгуульт ажил эрхэлж байжээ.

Эх сурвалж:www.polit.mn