Т.САЙХАН

Японы Ерөнхий сайд Санаэ Такаичигийн удирддаг Эрх баригч Либерал ардчилсан намд (LDP)  саналаа өгсөн талаар NHK мэдээллээ.Такаичиг өөрийг нь бүхэлд нь үнэлэх маягаар өрнөсөн уг сонгуулийн дүнд Либерал ардчилсан нам Японы доод танхимын 465 суудлаас 340-ийг авсан нь Дэлхийн II дайнаас хойш нэг нам олонхийн суудлыг бүрдүүлсэн анхны тохиолдол боллоо. NHK-д өгсөн ярилцлагадаа Такаичи “Хүйтнийг үл ажран, цастай замаар алхаж саналаа өгсөн” сонгогчдод талархал илэрхийлжээ. “Эдийн засаг, санхүүгийн бодлогыг эрс өөрчлөх хариуцлагатай, идэвхтэй төсвийн бодлогыг би дэмжиж ирсэн учраас сонгогчдоос тодорхой санал авсан” хэмээн тэр нэмж хэллээ. АНУ-ын Ерөнхийлөгч Доналд Трампын дэмжлэгийг хүлээсэн, хатуу чиг баримжаатай консерватив үзэлт Такаичи дөрвөн сар хүрэхгүй хугацааны өмнө сонгогдсоноосоо хойш өндөр дэмжлэгийн түвшнээ хадгалж, Японыг удирдсан анхны эмэгтэй ерөнхий сайд болж түүх бүтээсэн юм. Тэрээр хөдөлмөрч чанар, нийгмийн сүлжээг чадварлаг ашигладаг байдал, харизмынхаа ачаар олон нийтийн дэмжлэгийг татсан. Үүний нэг жишээ нь Өмнөд Солонгосын Ерөнхийлөгч И Жэ Мёнтой бөмбөрийн  тоглолт хийсэн бичлэг цахим орчинд тархсан явдал байв. Ээлжит бус сонгууль зарлахдаа тэр өөрийнхөө нэр хүндийг намынхаа илүү бат бөх мандат болгон хувиргахыг зорьсон гэгддэг. Сүүлийн жилүүдэд улс төрийн санхүүжилтийг буруугаар ашигласан дуулианаас болж Либерал ардчилсан нам суларсан байсан. Дэлхийн дөрөв дэх том эдийн засагтай улсад төсвийг тэлэх бодлогоо хэрэгжүүлэх “шинэ мандат”-ыг сонгогчдоос хүссэн нь ийнхүү биеллээ оллоо. Такаичи Х сүлжээнд АНУ-ын ерөнхийлөгч Трампт дэмжлэг үзүүлсэнд нь талархал илэрхийлж, АНУ–Японы холбоонд тулгуурласан боломж “ХЯЗГААРГҮЙ” гэдгийг онцолсон байна.

Эх сурвалж:www.polit.mn