Т.САЙХАН
УИХ-ын гишүүн Л.Энх-Амгалан өчигдөр цахим хуудастаа "Ипотекийн зээлээр 5-аас дээш байр авсан 12.000 хүн байгаа" талаар мэдээлсэн юм. Тэрээр үүнтэй холбоотой тайлбар хийлээ.
"Өнгөрсөн хоёр жилийн хугацаанд би ГБХНХЯ-ны сайдаар ажиллаж байхдаа Орон сууцжуулалтын үндэсний хорооны дэд даргаар ажилласан. Улмаар 2013 оноос эхэлсэн ипотекийн зээлийн тогтолцоо зөв байсан эсэх болоод хэдэн төгрөг зарцуулсан, хэчнээн иргэн энэ зээлээр орон сууцтай болсон гэх судалгааг хийсэн. Нийт 10 их наяд төгрөгийн зардлыг Засгийн газар гаргасан. 140 мянган өрх орон сууцтай болсон. Эдгээрийн 30 мянга нь л анх удаа орон сууц авсан. 110 мянга нь орон сууцаа томруулсан улсууд. Гурваас дээш удаа орон сууц авсан иргэд ипотекийн зээлээр байр авсан эсэхийг шалгах хэрэгтэй. Найман удаа ч ипотек авсан иргэн бий.
Өнөөдрийн байдлаар ипотекийн зээл дараалал ихтэй байгаа. Энэ дараалалд орохын тулд 10-20 сая төгрөгийн авлига өгдөг тарифтай болсон" гэлээ.
Эх сурвалж:www.polit.mn
