Б.НЯМСҮРЭН
АНУ-ын хөгжмийн салбарын хамгийн нэр хүндтэй шагнал болох “Грэмми” наадмын 68 дахь ёслол өнгөрсөн ням гарагт Лос-Анжелес хотод боллоо. Энэ жилийн Грэмми уран бүтээлийн амжилтаас гадна соёл, нийгмийн асуудлыг хөндсөн илтгэл, түүхэн ялалтуудаараа онцлог болов.
Ёслолын гол шагнал болох “Оны шилдэг цомог”-ийг Пуэрто-Рикогийн уран бүтээлч Bad Bunny “Debí Tirar Más Fotos” цомгоороо хүртсэн нь испани хэл дээрх бүтээл уг ангилалд анх удаа түрүүлсэн түүхэн үйл явдал болов. Мөн “Оны шилдэг бичлэг” шагналыг “Luther” дуугаараа Kendrick Lamar болон SZA хамтран хүртсэн бол “Оны шилдэг дуу” шагнал Billie Eilish-ийн “Wildflower” уран бүтээлд ногдлоо. Харин “Шилдэг шинэ уран бүтээлч”-ээр Британийн дуучин Olivia Dean шалгарсан юм.
Энэ жилийн ёслолд уран бүтээлчид цагаачлал, хүний эрх, нийгмийн шударга ёсны асуудлыг тайзнаа ил тод хөндөж, Грэммиг зөвхөн шагналын арга хэмжээ бус, нийгмийн дуу хоолой болсныг харууллаа. Мөн кино найруулагч Стивен Спилберг Грэмми шагнал гардсанаар “EGOT” буюу Emmy, Grammy, Oscar, Tony наадмын шагналуудыг бүгдийг нь хүртсэн уран бүтээлч болж байна.
Эх сурвалж: “Зууны мэдээ” сонин
2026 ОНЫ ХОЁРДУГААР САРЫН 3. МЯГМАР ГАРАГ. № 22 (7764)
Хуурамч мэдээлэл хаа сайгүй тархах болсон энэ үед баримттай, эх сурвалжтай, үнэн бодитой мэдээллийг “Зууны мэдээ” сониноос аваарай.
Үнэн мэдээллийг хамтдаа хамгаалцгаая.
Бие даасан сэтгүүл зүйг дэмжин "Зууны мэдээ" захиалаарай. www.zuuniimedee.mn
