Т.САЙХАН
Монголын ахмадын холбоо өчигдөр ахмадын тэтгэврийг нэмэхийг шаардаж мэдээлэл хийж, дундаж тэтгэврийг 1.5 сая болгох ёстой гэсэн. Тэгвэл энэ асуудлаар Гэр бүл, хөдөлмөр нийгмийн хамгааллын сайд Т.Аубакир тодруулга өглөө. Тэрээр "Төсөвт ийм хэмжээний санхүүжилт байхгүй, ахмадуудын тэтгэврээр улс төр хийж болохгүй . Би энэ салбарыг удирдаад явж байгаа хүний хувьд ч УИХ-ын Төсвийн байнгын хорооны гишүүний хувьд ч хэлэхэд тэтгэврийг 1.5 сая болгох боломжгүй байхгүй гэдгийг хэлмээр байна. 1.5 сая болгоход 4.2 их наяд төгрөг хэрэгтэй. Нийгмийн даатгалын сан улсын төсвөөс 1.4 их наядын татаастай явдаг. Ингэж ахмадуудыг өдөөж турхирч, худлаа зүйл амалдгаа болих хэрэгтэй. 2026 онд 537 мянган хүн тэтгэвэр авах ёстой. 477.9 тэрбум төгрөгийн тэтгэвэр олгоно гэж УИХ-аас батлуулсан. Би энэ салбарын сайд гээд тэтгэвэр нэмнэ гээд худлаа яриад зогсож болохгүй" гэлээ.
Эх сурвалж:www.polit.mn
