Т.САЙХАН
Эрчим хүчний салбарт үүссэн хүндрэлтэй нөхцөл байдалтай холбоотойгоор эрчим хүчний реформыг эхлүүлж байна хэмээн мэдэгдэж байсан Шадар сайд Т.Доржхандыг хариуцлага хүлээх ёстой гэсэн байр суурийг олон нийтийн зүгээс илэрхийлж байгаа. Тэгвэл тэрээр энэ асуудлаар өөрийн цахим хуудастаа байр сууриа илэрхийлжээ. Т.Доржханд "Улстөрөөс өнөөдөр ч гарч болно. Харин хэн популизмыг сөрж, иргэдэд таалагдахгүй ч алсдаа улс оронд хэрэгтэй ажил хийх вэ. Дэлхийн дайнууд 100 жил эрчим хүч дээр үүссэн. Өнөөдөр улам бүр хурцдаж байгааг Венесуалийн жишээнээс харж болно. БҮТЭЭЛЧ ОЮУН УХААН (artificial intelligence) эрчим хүчний хэрэглээг огцом өсгөж дэлхийн улсууд цэвэр эрчим хүч, чухал ашигт малтмалын нөөцийг хэн хянах вэ гэж илүү өрсөлдөж байна. Гэтэл Монгол Улс эрчим хүчний газрын дор болон дээр хангалттай нөөцтэй боловч 40 жил цахилгаан станц бариагүй. Учир нь Төр үнийг өртгөөс нь бага түвшинд хатуу барьсан. Эрчим хүчний бие даасан байдлыг хангахаар 2025 оны есдүгээр сард Эрчим хүчний реформын үндэсний хороо байгуулагдаж үнийг өртөгт дөхүүлсэн. Үр дүнд нь төслүүд эдийн засгийн үр ашигтай “bankable” болж 8.0 их наядын санхүүжилт төрд биш хувийн секторт боссон. Харин популист улстөрчдийн шахалтаар хороо 1 жил ч хүрээгүй татан буугдсан. Одоо тэдгээр хүмүүс нь ам асууж байх шиг байна. Монгол Улсад төмөр зам тавих гэхээр өргөн царигтай бол гэж шахдаг, цахилгаан станц барих гэхээр Хятадууд Монголыг эзэллээ гэж орилдог та нар шиг Ояа, Мояа, Женкочдоос айж зугтдаг нь би биш" гэжээ.
Эх сурвалж:www.polit.mn
