Т.САЙХАН
АН-ын Улс төрийн зөвлөл өчигдөр /01.14/ хуралдаж, шинэчилсэн дүрмийнхээ дагуу зарим томилгоог хийжээ. Ерөнхий нарийн бичгийн дарга Н.Ганибалыг үүрэгт ажлаас нь чөлөөлж, Д.Амарбаясгаланг үүрэг гүйцэтгэгчээр томилжээ. Д.Амарбаясгалан нь АН-ын бүлгийн Ажлын албаны даргаар ажиллаж байсан юм.
Түүнчлэн, ирэх гуравдугаар сарын 10-наас дөрөвдүгээр сарын 1-ний хооронд дотоод сонгуулиудыг зохион байгуулж, дөрөвдүгээр сарын 07, 08-нд Ардчилсан Намын Их хурлыг хуралдуулж, шинэчилсэн бүтцийг батламжилна гэв.
Их хурлаас батлагдсан Үндэсний бодлогын хороо албан ёсны Ерөнхий нарийн бичгийн дарга, Улс төрийн зөвлөлийг томилно. Ингээд тавдугаар сарын эхээр Ардчилсан Намын дотоод шинэчлэлийн ажил дуусаж, гадагш чиглэсэн буюу 2027 оны Ерөнхийлөгчийн сонгуулийн бэлтгэл ажилд төвлөрнө гэдгийг АН-ын дарга О.Цогтгэрэл мэдэгдлээ.
Эх сурвалж:www.polit.mn
