Төв Азийн таван орон болон Японы удирдагч нарын уулзалт арванхоёрдугаар сарын 18-20-нд  Токиод болж өнгөрсөн. Энэ уулзалт нь бүс нутгийн хамтын ажиллагааны үйл явц шинэ эрч хүч авч буй Төв Азийн өнөөгийн чиг хандлагын хүрээнд онцгой ач холбогдолтой Стратегийн түншлэлийн шинэ үе шат болж байгааг  хэвлэлүүд мэдээлж байна.

Үүний үр дүн нь бүс нутаг болон Японы харилцааг хөгжүүлэхэд чухал түлхэц өгөх нь дамжиггүй бөгөөд хамтын ажиллагааны стратегийн төлөвшлийг тусгаж, Төв Азийн орнууд болон Токиогийн хувьд ач холбогдлыг онцлон тэмдэглэж байна.

Энэхүү дээд хэмжээний уулзалт нь хамтарсан санаачилгыг бодитоор хэрэгжүүлэх, түншлэлийн ашиглагдаагүй боломжийг үр дүнтэй ашиглах таатай нөхцлийг бүрдүүлнэ гэж найдаж байгаа талаар хэвлэлийн мэдээнд дурджээ.

Япон улс бол Төв Азийн шинэ улсуудын тусгаар тогтнолыг хүлээн зөвшөөрсөн анхны орнуудын нэг юм. Токио тус бүс нутгийн талаарх бодлогодоо хамтын ажиллагааг хөгжүүлэхэд ямар нэгэн улс төрийн нөхцөл тавихгүйгээр тэгш байдал, харилцан хүндэтгэл, түншүүдийн ашиг сонирхлыг харгалзан үзэх зарчмуудыг тууштай баримталдаг.
Япон нь Төв Азийг нэгдсэн бүс нутгийн орон зай гэж хүлээн зөвшөөрөх гадаад түншүүдийн дунд анхдагч болсон. Ийнхүү 2004 онд Японы дипломат бодлогын санаачилгаар "Төв Ази+Япон"  гэсэн формат бүхий яриа хэлэлцээг эхлүүлж, бүс нутгийн улс орнуудын “Сentral Аsia /CA/+" форматаар олон талт хамтын ажиллагаа хөгжүүлэх  эхлэл болсон.
Энэ хүрээнд Япон улс Төв Азийн "нээлттэй, тогтвортой, бие даасан хөгжлийг" тууштай дэмжиж байна. Үүний зэрэгцээ Токио бүс нутгийн бүгд найрамдах улсуудтай идэвхтэй, тэнцвэртэй харилцаа холбоо тогтоож байгаа гэдгийг төв азийн орнуудын хэвлэлүүд онцлон тэмдэглэжээ.

Эх сурвалж: polit.mn

Монгол Улсын Усны нөөцийн зөвлөл хуралдаж байна