Т.САЙХАН

 Монгол Улсын Сайд, Засгийн газрын Xэрэг эрхлэх газрын дарга С.Бямбацогт мэдээл өглөө. 

Тэрээр "Засгийн газар Эдийн засгийн эрх чөлөө, тусгаар тогтнолын асуудлыг анхаарч авч үзэж байгаа. Төр иргэд, аж ахуй нэгж, бизнес эрхлэгчдийнхээ хийж чаддаг зүйлд оролцохоо больё гэсэн бодлого барих ёстой. 

Өнөөдрийн байдлаар 100 гаруй ТӨК үйл ажиллагаа явуулж байна. Зайлшгүй байх шаардлагатай компани байна. Тэдний үр ашгийг хэрхэн нэмэгдүүлэх вэ гэдэгт анхаарна.  Харин оролцохгүй, иргэн, ААН, хувийн хэвшил аваад явчих компаниудыг хувьчилна. Хувьчилна гэдэг үгийг худалдана, хуйвалдана гэсэн утгаар буруу ойлгодог. Энэ бол олон нийтэд ил тод нээлттэй хувьцааг бирж дээр зарна.  Мөн дуудлага худалдаагаар худалдана. Төр хувийн хэвшилтэй өрсөлдөхгүй гэсэн үг. 

Дараах төрийн өмчит компаниудыг худалдана.

1. Монголын цахилгаан холбоо ХК
2. Хөдөө аж ахуйн бирж
3. Үндэсний давхар даатгал ХК
4. Монголын хөрөнгийн бирж
5. Шивээ овоо ХК
6. Багануур ХК
7. МИАТ ХК
8. Төрийн банк зэргийг олон нийтэд нээлттэй, хөрөнгийн биржээр дамжуулж, нэмэлт хувьцаа гаргах замаар компанийн үйл ажиллагааг ил тод, хөрөнгийн чадавхыг сайжруулах зорилгоор худалдана.

Мөн "Эрдэнэс таван толгой" ХК, Эрдэнэт ТӨҮГ-ийн нэмэлт хувьцаа гаргаж, олон нийтийн хяналтыг нэмэгдүүлнэ. Дулааны цахилгаан станцууд бүхий төрийн өмчит компаниудыг дуудлага худалдаагаар иргэн, ААН-үүдэд худалдана.

Ийнхүү төрийн 100 гаруй компанийн 30 гаруй нь олон нийтийн оролцоотой, нээлттэй ил тод хувьцаат компани болгож, зарим нь дуудлага худалдаагаар хувьчлагдах болно" гэв. 

Эх сурвалж:www.polit.mn