Т.САЙХАН

МИАТ төрийн өмчит хувьцаат компанийн Төлөөлөн удирдах зөвлөл өнгөрсөн долоо хоногийн баасан гарагт хуралдаж, Т.Тэлмэнг гүйцэтгэх захирлаар томилжээ.

Т.Тэлмэн нь Монголбанкны хяналтын зөвлөлийн гишүүнээр ажиллаж байжээ.  Ховд аймгийн гаралтай бөгөөд УИХ-ын гишүүн Н.Номтойбаяр “МАК” ХХК-д Хөрөнгө оруулалт, эдийн засгийн газрын захирлаар ажиллаж байснаас гадна сайдын зөвлөхөөр нь ажиллаж байсан юм. 

2025 оноос- Монголбанкны Хяналтын зөвлөлийн гишүүн

2019 оноос- “Амар Даатгал” ХХК-ийн Бизнес эрхэлсэн дэд захирал

2018-2021- Азийн хөгжлийн банкны Монгол Улс дахь Суурин төлөөлөгчийн газар төслийн зөвлөх

2016-2017- Хөдөлмөр, нийгмийн хамгааллын сайдын зөвлөх

2016-2020- Санхүү эдийн засгийн их сургууль, Санхүүгийн удирдлагын тэнхимийн мэргэжлийн зөвлөлийн гишүүн

2014-2016-“Микрокредит” ББСБ-ын Гүйцэтгэх захирал

2013-2014-“Монголын Алт” корпораци, Хөрөнгө оруулалт, эдийн засгийн газрын захирал

2010-2013-“Монгол Даатгал” ХХК, Даатгал эрхэлсэн дэд захирлаар ажиллаж байжээ. 

МИАТ-ийн өмнөх захирал Б.Мөнхтамир ажлаас гарах хүсэлтээ сар гаруйн өмнө өгсөн гэж өөрөө мэдэгдсэн бол Засгийн газраас 9.6 их наядын алдагдалтай ажилласан тул хариуцлага тооцож байгаа гэсэн мэдээлэл гарсан. Ямартаа ч Б.Мөнхтамир захирлыг чөлөөлж, түүний оронд Т.Тэлмэнг томилжээ.

Эх сурвалж:www.polit.mn