Т.САЙХАН

Улсын нэгдүгээр төв эмнэлгийн 100 жилийн ойг тохиолдуулан Ерөнхийлөгч шагнал гардууллаа.  Бөөр шилжүүлэн суулгах багийн зөвлөх, гавьяат эмч, төрийн хошой шагналт, доктор, профессор Д.Нямсүрэн, Улсын нэгдүгээр төв эмнэлгийн Эрхтэн шилжүүлэн суулгах төвийн зөвлөх, Элэг шилжүүлэн суулгах үндэсний багийн ахлагч, гавьяат эмч, төрийн шагналт, доктор, профессор О.Сэргэлэн нарт Ардын эмч цол хүртээлээ.  Гавьяат эмч цолоор Улсын нэгдүгээр төв эмнэлгийн захирал асан, "Бат-Энх бөөр" дотрын эмнэлгийн ерөнхий эмч, клиникийн профессор Н.Оюунцэцэг,Улсын нэгдүгээр төв эмнэлгийн захирлын үүргийг түр орлон гүйцэтгэгч, анагаах ухааны доктор Л.Бямбасүрэн, Мэдээгүйжүүлэлт, хагалгааны нэгдсэн тасгийн зөвлөх эмч, төрийн шагналт, клиникийн профессор Д.Чулуунбаатар, Нүд судлал, мэс заслын тасгийн зөвлөх эмч, клиникийн профессор П.Бүрэнжаргал, Яаралтай тусламжийн тасгийн эрхлэгч, клиникийн профессор С.Алтансүх нарыг шагнав.

Эх сурвалж:www.polit.mn