П.АМГАЛАН

Төрийн байгуулалтын байнгын хорооны өнөөдрийн /10.10/ хуралдаанаар Ерөнхий сайд Г.Занданшатарыг огцруулах саналыг хэлэлцсэн ч шийдвэр гаргасангүй. Учир нь Засгийн газрын хувь заяаны асуудал яригдаж байгаа тул УИХ дахь намын бүлгүүдэд дээрх асуудлыг ярих боломж олгох үүднээс Төрийн байгуулалтын байнгын хорооны хуралдааныг түр завсарлуулж, ирэх долоо хоногийн Даваа гаригийн 11:00 цагаас үргэлжлүүлэхээр боллоо гэж УИХ-ын Төрийн байгуулалтын байнгын хорооны дарга Ц.Сандаг-Очир мэдэгдлээ.

УИХ-ын гишүүн Л.Оюун-Эрдэнэ “Одоо хэдүүлээ тойрч худлаа яриад яах вэ. Энэ АМНАТ-тай холбоотой асуудлыг Оджаргал захирал дандаа лобиддог байсан юм. Уг нь манай Сангийн сайд С.Жавхлан ноён нуруугаа хугалчихгүйхэн шиг над дээр орж ирээд “Ийм дарамтад ороод байна, байнга уулзаад байна, гүрийгээд яваад байна” гэдэг байсан. Тэгэхээр одоо хэдүүлээ худлаа яриад яах вэ. Улсаас том нэг компанитай болчихсон юм бол улсынхаа нэрийг MCS гэж өөрчилье" гэлээ. 

Эх сурвалж:www.polit.mn