П.АМГАЛАН

Ерөнхий сайд Г.Занданшатарыг огцруулах саналыг Төрийн байгуулалтын байнгын хороогоор хэлэлцэж эхэллээ. Хэлэлцэж буй асуудалтай холбогдуулан УИХ-ын 10 гишүүн асуулт асууж хариулт авч байна. УИХ-ын гишүүн С.Бямбацогт:- УИХ-ын гишүүн П.Сайнзоригоос асууя. Таныг болон огцруулах саналыг өргөн барьсан, гарын үсэг зурсан гишүүдийг ямар хүмүүс, хэзээ, яаж дарамталсан бэ. Энэ тал дээр тодорхой хариулт өгөөч. Хоёрдугаарт, татвар бодитой байх ёстой юу. Хийсвэр байх ёстой юу. Гэхдээ төлж байгаа татвар нь бодитой байх ёстой гэж боддог юм” гэлээ. УИХ-ын гишүүн П.Сайнзориг:-С.Бямбацогт сайдтай хамтарч ажиллаж байсан. Баримт дээр тулгуурлаж ярих ёстой гэсэн зарчмыг таниас сурсан юм. Хуулийг биелүүлэх ёстой гэдгийг бас таниас сурсан. Харамсалтай нь та өнөөдөр хуулийг зөрчсөн шийдвэрээ өөр байдлаар асууж байгаад харамсаж байна. Татвар бодитой байж болно. Бодитой байлгах ёстой. Гэхдээ үүнийг хуулийн хүрээнд хийх ёстой" гэлээ.

Эх сурвалж:www.polit.mn