Ч.БЯМБАХАЖИД

Монгол Улсад гэмт хэргээс урьдчилан сэргийлэх ажлыг зохицуулах зөвлөл үүсгэн байгуулагдсаны 60 жилийн ой тохиож байна. Энэ хүрээнд түүхт ойн хүндэтгэлийн хурлыг өчигдөр зохион байгуулсан юм.

Анх МАХН-ын Төв хорооны 1965 оны аравдугаар сарын 7-ны өдрийн 305 дугаар тогтоолоор Гэмт хэрэгтэй тэмцэх, урьдчилан сэргийлэх, нийгмийн хэв журам сахиулах ажлын удирдах зөвлөлийг Намын төв хороо, аймаг, хотын намын хорооны дэргэд байгуулсан түүхтэй. Өдгөө гэмт хэргээс сэргийлэх ажлыг зохицуулах зөвлөл нь нийслэл, дүүрэг, 21 аймаг, 330 суманд салбар зөвлөлтэй томоохон байгууллага болон өргөжин тэлжээ.

Гэмт хэргээс урьдчилан сэргийлэх ажлыг зохицуулах зөвлөлийн түүхт ойн баярт Монгол Улсын Ерөнхийлөгч У.Хүрэлсүх илгээлт ирүүлж, Хууль зүй, дотоод хэргийн сайд бөгөөд Гэмт хэргээс урьдчилан сэргийлэх ажлыг зохицуулах зөвлөлийн дарга Л.Мөнхбаатар мэндчилгээ дэвшүүллээ.

Дэлгэрэнгүй унших линк: www.zuuniimedee.mn

Эх сурвалж: “Зууны мэдээ” сонин

2025 ОНЫ АРАВДУГААР САРЫН 8. ЛХАГВА ГАРАГ. № 189 (7686)

Уншигч Танд “Зууны мэдээ” сонины нийтлэлтэй холбоотой санал, шүүмжлэл, хүсэлт байвал zuuniimedee@gmail.com хаягаар илгээгээрэй.