Энэ сарын 2-ны өдөр Бурханы сүм Дэлхийн Сайн Мэдээний Авралын Зарын Нийгэмлэг (Ерөнхий пастор Ким Жү Чоль, цаашид Бурханы сүм гэх) Улаанбаатар хотын Баянгол дүүрэгт “Ахмадын баяр (10-р сарын 1-ний өдөр) -ыг тохиолдуулан “Хайрын бэлэг хүргэлт” арга хэмжээг зохион байгуулжээ.

Бурханы сүмийн албан хаагч "Ахмадын баяр бол ахмад настнуудынхаа амьдрал, хичээл зүтгэлийг эргэцүүлэн бодож, талархал илэрхийлэх ач холбогдолтой өдөр юм. Энэ өдрийг тохиолдуулан манай итгэгчдийн зүгээс ахмад настнуудад өвлийн хахир хүйтэн улиралд эрүүл саруул, дулаахан байхад нь туслах зорилгоор бяцхан бэлэг бэлтгэлээ. Бид бүс нутгийн иргэд болон хөршүүддээ зориулсан олон төрлийн үйл ажиллагаанд оролцож, Христийн хайрыг үргэлжлүүлэн хэрэгжүүлэх болно" гэжээ.

11:00 цагт БГД-ийн 18-р хороонд Бурханы сүмийнхэн зочилж, ганц бие ахмадуудад зориулан 10 ширхэг бэлгийн багц хандивлажээ. Бэлэгний хайрцганд халуунаа барьдаг сав төрөл бүрийн амттан хүнсний бүтээгдэхүүн хөнгөн зууш багтжээ. Тус хорооны дарга Б.Дорждагва тэдэнтэй инээмсэглэн мэндлээд, " Бурханы сүм маань үргэлж бидний ажлыг дэмжин тусламжийн гараа сунгаж байдагт баярлаж байгаа бөгөөд БГД-ын 60 жилийн ой тохиож буй энэ жил бидэнтэй хамтран олон ажлыг хамтдаа хийж гүйцэтгэж байгаад баяртай байна. Мөн 18-р хорооны ахмад Б.Бямбасүрэн Би насаараа цэрэг, цагдаагийн байгууллагад ажиллаж байгаад тэтгэвэртээ гарсан. Бурханы сүм шиг олон арга хэмжээгээр олон хүмүүсийг баярлуулдаг байгууллага сүм харж байгаагүй. Залуучууд сайн үйлсийн арга хэмжээнд итгэл зүтгэл гарган оролцож байгааг хараад маш их бахархлаа. ирээдүй хойч маань гэрэл гэгээтэй байгааг харах сайхан байна хэмээн сэтгэгдлээ хуваалцлаа. Үйл ажиллагаанд оролцсон итгэгч Т.Цэндцэсэм (41, Модны 2) “Энэ сайхан өдөр ийм сайхан үйл ажиллагаанд оролцоод Бурханы хайрыг дамжуулах үйлсэд оролцсондоо туйлын баяртай байна. ” гэжээ. Э.Энхцэцэг (36, Модны 2) мөн “Төр нийгэмд зүтгэж байсан олон ахмадууд маань нас ахих тусам ганцаардаж, жилд нэг удаа тохиох энэхүү өдрийг тэсэн ядан хүлээдэг. Бидний багахан үйлсээр дамжуулан олон ахмадууд баяр хөөртэй байгааг хараад мэтгэл маш их хөдөллөө. Эрүүл саруул байж урт удаан наслах болтугай” хэмээн хэлжээ.

Энэхүү үйл ажиллагаа нь Сүмийн 60 жилийн ойг тохиолдуулан 2024 оноос эхлүүлсэн Бурханы Сүмийн дэлхий нийтийн санаачилга болох "Итгэл найдвар түгээх аян"-ын нэг хэсэг юм. " Hold Hope /Итгэл найдвар түгээн дамжуулах/ " гэсэн утгатай тус аянаардамжуулан уур амьсгалын өөрчлөлт, эдийн засгийн хүндрэл, өвчин эмгэгтэй тэмцэж буй хөршүүддээ хоол хүнс, өдөр тутмын хэрэгцээт зүйлс болон бусад хэрэгцээт зүйлсээр дамжуулан итгэл найдвараа алдахгүй амьдраасай гэсэн чин хүсэл эрмэлзлийг агуулж байгаа ажээ.Энэ оны эхээр дэлхийн 25 оронд тусламж үзүүлсэн бөгөөд цаашдаа тус сүм 9, 10-р сард дэлхийн 80 орчим орны 7400 эмзэг бүлгийн иргэд, жижиг хэмжээний хүнсний үйлдвэрлэгчдийг дэмжихээр төлөвлөсөн байна.

Бурханы сүм нь өнгөрсөн хоёрдугаар сард ч мөн Баянзүрх дүүргийн эмзэг бүлгийн 15 өрхөд тос, гурил багтсан хүнсний иж бүрдэл хандивлажээ. Үүний дараа тэд Сонгинохайрхан дүүргийн 5 өндөр настан өрхөд 2 литр халуун сав, 1 литрийн дөрвөн хайрцаг сүү, 1 кг элсэнчихэр багтсан бэлгийн багцыг хандивлажээ. Тэд 8-р сарын эхээр Баянзүрх дүүрэгт 100 багц хөнгөн зуушийг хөршүүддээ бэлэглэсэн байна.

Дэлхийн 175 оронд 7800 гаруй бүс нутагт салбартай глобал сүм юм. 3.92 сая гишүүд

итгэгчтэй бөгөөд Библийн үнэнд тулгуурлан Эцэг Эх Бурханд итгэдэг. Итгэгчид “Хөршөө өөрийн бие мэт хайрла” гэсэн Христийн сургаалын дагуу хайр, үйлчлэлийг хэрэгжүүлдэг. Өнөөг хүртэл цус хандивлах, байгаль орчныг цэвэрлэх, ядууст туслах, гамшгийн үед тусламж үзүүлэх, соёл урлагийг дэмжих зэрэг 44000 гаруй үйл ажиллагаагаар дамжуулан дэлхийн хөгжил, эв найрамдалд хувь нэмрээ оруулсаар ирсэн байна.

Идэвхтэй, чин сэтгэлээсээ сайн дурын үйл ажиллагаа явуулсныг нь үнэлэн АНУ-ынгурван том засгийн газраас Ерөнхийлөгчийн нэрэмжит сайн дурын ажлын шагнал,Өмнөд Солонгосын гурван том засгийн газраас Ерөнхийлөгчийн нэрэмжит шагнал, Их Британийн Хатан хааны сайн дурын ажлын шагнал, Бразилийн хууль тогтоох албаны үндэсний дээд шагнал болох үндэсний дээд одон, Перугийн үндэсний дээд шагнал,

Ногоон ертөнц шагнал ба Ногоон алимны шагнал (олон улсын байгаль орчны шагнал)

зэрэг 5200 гаруй шагнал хүртээжээ.

Монгол дахь Бурханы сүм нь хөршүүддээ туслах, байгаль орчныг цэвэрлэх, мод тарих, цусаа хандивлах зэрэг төрөл бүрийн үйл ажиллагаануудыг зохион байгуулжээ. Тэд шар тоосжилтоос урьдчилан сэргийлэх зорилгоор Баянгол дүүргийн Агро парк цэцэрлэгт хүрээлэнд 500 мод тарьжээ. Мөн Налайх дүүргийн Тэрэлж байгалийн цогцолборт газраас 4000 кг, Сонгинохайрхан дүүргийн Элма Баян уулаас 1200 кг, Баян-Зүрх дүүргийн Дэндийн амаас 3500 кг хог түүжээ. Өнгөрсөн 8-р сард тус сүмийн их сургуулийн оюутнуудын сайн дурын бүлгийн АСЕЗ-ийн 100 орчим гишүүн Улаанбаатар хотын Баянзүрх дүүргийн Их Засаг их сургуулиас Жуковын музей хүртэлх 3 км газрыг хоёр цаг орчим хугацаанд цэвэрлэж, 225 кг хог, 155 кг хуванцар түүн ялгаж цэвэрлэсэн байна.

Бурханы сүмээс цусны хомсдолд орсон хүмүүст тусламж үзүүлэх зорилгоор жил бүр цусны донорын аян зохион байгуулдаг байна. Өнгөрсөн жил болон энэ онд Баянзүрх дүүрэг дэх Цус Сэлбэлт Судлалын Үндэсний төв болон Орхон аймгийн цусны төвөөр дамжуулан 47000 меллитр цусыг хандивлаж, орон нутгийн цусны хангамжид хувь нэмрээ оруулжээ.

Хүмүүнлэгийн сайн дурын үйл ажиллагаа олныг зохион байгуулсныг нь үнэлэн, Байгаль орчин, аялал жуулчлалын яамны сайд, Эрүүл мэнд, спортын яамны сайд, Ус Сувгийн Удирдах Газрын дарга, Цус Сэлбэлт Судлалын Үндэсний төвийн дарга нар талархал, өргөмжлөлөөр шагнаж урамшуулсан байна.