Т.САЙХАН
Ардчилсан намын Үндэсний бодлогын хороо/ҮБХ/-ны ээлжит бус хурал дөнгөж сая /2025.08.28/ эхэллээ. Уг хуралдаанаар Ардчилсан намын дүрмийн зарим нэг өөрчлөлтүүдийг хийж, батлахын зэрэгцээ тус намын дарга Л.Гантөмөр үүрэгт ажлаасаа чөлөөлөгдөх хүсэлтээ гаргах юм.
МАН-ын Бага хурлаас Ардчилсан намыг хамтарсан Засгийн газраас гаргахаар шийдвэрлэсний дараа тус намын дарга Л.Гантөмөр үүрэгт ажлаасаа чөлөөлөгдөнө гэж мэдэгдсэн. Энэхүү мэдэгдлээс хойш гурван сарын хугацаа өнгөрөөд байгаа бөгөөд энэ сарын эхээр Ардчилсан намын гишүүд ҮБХ-г яаралтай зарлан хуралдуулж, удирдлагын асуудлыг шийдвэрлэх шаардлагатай гэдэг байр суурь илэрхийлсэн. Түүний дараа өнөөдрийн энэхүү хурлыг товлосон билээ.
Ардчилсан намын ҮБХ нь 380 орчим гишүүнтэй. Энэ удаагийн ҮБХ-ны хурал ирц өндөртэй болж байгаа аж.
Эх сурвалж:www.polit.mn