Т.САЙХАН

УИХ-ын дарга Д.Амарбаясгалангийн урилгаар Шинэ Зеланд Улсын Парламентын Төлөөлөгчдийн танхимын дарга Жерард Браунли энэ сарын сарын 31-нээс ирэх сарын 03-ны өдрүүдэд Монгол Улсад албан ёсны айлчлал хийнэ. Шинэ Зеландын Парламентын даргын түвшинд Монгол Улсад анх удаа хэрэгжүүлж буй энэхүү айлчлал нь хоёр улсын харилцааны цар хүрээг өргөжүүлэх, дээд, өндөр түвшний харилцан айлчлал, яриа хэлэлцээний давтамжийг нэмэгдүүлэх, парламент хоорондын хамтын ажиллагааг бэхжүүлэхэд чиглэж байгаа бөгөөд айлчлалын хүрээнд Улсын Их Хурлын дарга Д.Амарбаясгалан, Төлөөлөгчдийн танхимын дарга Ж.Браунли нар албан ёсны хэлэлцээ хийнэ. Монгол Улс, Шинэ Зеланд Улс нь 1975 оны дөрөвдүгээр сарын 08-ны өдөр дипломат харилцаа тогтоосон бөгөөд энэ онд 50 жилийн ой тохиож байна. 

Тэрээр 1956 оны хоёрдугаар сарын 4-нд Шинэ Зеландад төрсөн. Үндэсний намын гишүүн. 1996 оноос Илам тойргоос гишүүнээр сонгогдсон.  Харин  2020 онд тойргийн суудал алдаж, улс төрд жагсаалтаар үлдсэн парламентын ахмад гишүүн болсон байдаг. 2023 оны арванхоёрдугаар сарын 5-наас Шинэ Зеландын Төлөөлөгчдийн танхимын 32 дахь даргаар ажиллаж байна.Парламентын дэд хороодын дарга бөгөөд Парламентын үйл ажиллагаанд дархлаатай байдлыг хангах үүрэгтэй. 2008–2017 оны хооронд “Fifth National Government” үеийн Leader of the House, Minister for Canterbury Earthquake Recovery, Defence, Transport, Energy and Resources, Foreign Affairs зэрэг олон чухал албан тушаал хашиж байсан . Тэрээр Standing Orders” буюу Удирдах журам бол зөвхөн чиг мөр, хэт чанд мөрдөх ёстой биш гэж үздэг. Шударга, уян хатан байхаар зорьдог гэжээ.

Эх сурвалж:www.polit.mn