Т.САЙХАН

 Ерөнхий сайд Г.Занданшатар тодорхой асуудал хариуцсан бодлогын зөвлөхүүдтэй ажиллах бөгөөд ахлах зөвлөхөөрөө Б.Даваадалайг томилжээ.

Б.Даваадалай өмнө нь  Ерөнхийлөгч У.Хүрэлсүхийн эдийн засгийн бодлогын зөвлөхөөр ажиллаж байсан. Мөн 2024 оны УИХ-ын сонгуулийн нэгдүгээр тойрогт МАН-аас нэр дэвшиж байсан бөгөөд Ерөнхий сайд Г.Занданшатартай нэг нутаг юм. 

Батсуурийн Даваадалай нь 2007 онд Монгол Улсын их сургуулийн Эдийн засгийн сургуулийг Банкны эдийн засгийн мэргэжлээр төгсөж, АНУ-ын Нью Йорк хотын Колумбын их сургуульд Эдийн засгийн ухааны магистрын зэрэг хамгаалсан. Монгол Улсын их сургуулийн Бизнесийн сургуульд докторантурт суралцаж байгаа.

Ажилласан байдал:

• 2007-2014 онд Монгол банкны Мөнгөний бодлого, судалгааны газарт эдийн засагч,

• 2013-2014 онд Дэлхийн банкны төв оффисын Зүүн Өмнөд Ази, Номхон далайн бүс нутгийн багт зөвлөх,

• 2015-2021 онд Дэлхийн банкинд эдийн засагч,

• 2021 онд Монгол Улсын Засгийн газрын гишүүн, Сангийн сайдын зөвлөхөөр тус тус ажиллаж байгаад Ерөнхийлөгч У.Хүрэлсүхийн зөвлөх болсон юм. 

Эх сурвалж:www.polit.mn