Үндэсний их баяр наадмын шагайн харвааны ахмадын төрөлд 24 багийн 192 харваач цэц мэргэнээ сорин өрсөлдсөнөөс тэргүүн байрт Төв аймгийн Дэлгэрхаан сумын харьяат Монгол улсын дархан мэргэн Давдын Хүрэлсүх ахлагчтай Ай Транс ХХК-ийн баг, Дэд байрт Булган аймгийн Баян-Агт сумын харьяат Аймгийн гоц мэргэн Аюушийн Батбаяр ахлагчтай Орхон аймгийн Эрдэнэт үйлдвэрийн Хангарьд баг, Гутгаар байрт Баянхонгор аймгийн Жаргалант харьяат Аймгийн гоц мэргэн Должингийн Гэндэнпил ахлагчтай Хайхан өндөр баг, Дөрөвдүгээр байрт Сүхбаатар аймгийн Мөнххаан сумын харьяат Монгол улсын харьшгүй мэргэн Жамъянгийн Чулуун ахлагчтай Баясгалант баг шалгарлаа. Харин шагайн харвааны өсвөрийн төрөлд 12 багийн 96 харваач цэц мэргэнээ сорин өрсөлдсөнөөс Багахангай дүүргийн харьяат Алтанхуягийн Хаш-Эрдэнэ ахлагчтай Төв аймгийн Баян сумын Загалын Асгат Газар ХХК 91 дүгээр сургуулийн Цэц Баян баг тэргүүн байр, Дорнод аймгийн Халхгол сумын харьяат Энхтүвшингийн Баярхүү ахлагчтай Халхын Цэц шагайн харвааны салбар зөвлөл, Халхгол сумын ерөнхий боловсролын сургуулийн Халхголын мэргэчүүл баг дэд байр, Өмнөговь аймгийн Цогтцэций сумын харьяат Б.Төртүвшин ахлагчтай Алтанговь Транс ХХК-ийн баг гуравдугаар байр, Дорноговь аймгийн Айраг сумын харьяат Г.Алдар ахлагчтай Номт даншиг ХХК-ийн баг дөрөвдүгээр байрт шалгарав.

Насанд хүрэгчдийн төрөлд 74 багийн 592 харваач цэц мэргэнээ сорин өрсөлдсөнөөс Өвөрхангай аймгийн Төгрөг сумын харьяат Монгол улсын мэргэн Гончигдоржийн Наранбат ахлагчтай Гуа Орд баг тэргүүн байр, Дорноговь аймгийн Мандах сумын харьяат Монгол улсын үлэмж дархан мэргэн, спортын мастер Баатарсүрэнгийн Наранбаатар ахлагчтай Номт даншиг ХХК-ийн баг дэд байр, Өмнөговь аймгийн Ханхонгор сумын харьяат Бавуугийн Түвшинбаяр ахлагчтай Ханхонгор баг гуравдугаар байр, Өвөрхангай аймгийн Баян-Өндөр сумын харьяат Лхагважавын Батжаргал ахлагчтай Шонхор баг дөрөвдүгээр байрт шалгарлаа.

Шагналт байрт Архангай аймгийн Төвшрүүлэх сумын харьяат Монгол улсын хошой мэргэн Золбаярын Банзрагч ахлагчтай Дөрвөн Өсөх ХХК-ийн баг, Дорноговь аймгийн Хөвсгөл сумын харьяат залуу харваач Нямсүрэнгийн Гантулга ахлагчтай МАК Цемент ХХК-ийн баг, Дундговь аймгийн Говь-Угтаал сумын харьяат Аймгийн гоц мэргэн Бадамсэрээжидийн Мөнх-Эрдэнэ ахлагчтай Чойр хайрхан ХХК-ийн Найман баг, Өмнөговь аймгийн Ханбогд сумын харьяат Аймгийн гоц мэргэн Түмэнжаргалын Аминдаваа ахлагчтай Ханбогд баг шалгарч энэ жилийн улсын баяр наадам өндөрлөлөө