Улсын дуурь бүжгийн эрдмийн театртай холбоотой нэгэн зар өнөөдөр /2025 07 04/-нд цацагдав. Тодруулбал, тус театрын уран бүтээлчид “Улсын дуурь бүжгийн эрдмийн театр ардчиллаар цангаж байна” сэдэвт хэвлэлийн бага хурал хийхээр товложээ. Уг зарлалд “Улсын дуурь бүжгийн эрдмийн театрын уран бүтээлчид уран сайхны удирдагчтайгаа цаашид хамтран ажиллах боломжгүй болсон талаарх байр сууриа илэрхийлж, ажил олгогч тал болон салбарын яаманд хандсан хэдий ч асуудлыг сонсохгүй шийдвэрлэхгүй байна. Үүсээд буй нөхцөл байдалтай холбоотойгоор театрын уран бүтээлчид Улсын баяр наадмын концертод оролцохгүй, ажил хаялт хийх шийдвэр гаргасан юм. Энэ талаар олон нийтэд дэлгэрэнгүй мэдээлэл өгөх хэвлэлийн бага хурал дараах өдөр, цагт болно.
Хэзээ: 2025 оны 7 дугаар сарын 7 (Даваа гараг)
Цаг: 11:00 цагт
Хаана: МҮЭ-ийн холбооны төв байр, 4-р давхрын хурлын танхимд
Холбоо барих: 88076411 гэжээ.
Үндэсний их баяр наадам хаяанд тулсан энэ үед төрийн ёслол хүндэтгэлийн концертын гол ачааг үүрдэг тус театрын уран бүтээлчид ажил хаяхаар болсон нь анхаарал татаж байгаа бөгөөд энэ талаар театрын удирдлага болон харьяалдаг Соёлын яамны зүгээр ямар нэгэн тайлбар өгөөгүй байна.
Эх сурвалж: polit.mn