Б.Бямбадулам
“Иргэн та хүч залуусын нэгдэл" ТББ-аас Ерөнхий сайд Г.Занданшатарт Монгол Улсын Үндсэн хууль биелүүлэх тухай шаардлага хүргүүлж, “Үндэсний мэдээллийн төв”-д өнөөдөр /06.19/ мэдээлэл хийлээ. “Иргэн та хүч залуусын ТББ”-ын үүсгэн байгуулагч Б.Өлзийбат “Манай байгууллага нь Үндсэн Хууль, парламентын боловсрол, иргэдийн оролцоог нэмэгдүүлэхээр үйл ажиллагаа явуулдаг. Бидний шаардлага нь Ерөнхий сайд Г.Занданшатар танаа “Хууль биелүүлж ажиллах тухай, Монгол Улсын 18 насанд хүрсэн иргэн бүр “D-Parlament” цахим системээр дамжуулан Монгол Улсын Ерөнхий сайдаас асуулт асуудаг хуультай. “Монгол Улсын Үндсэн Хууль”-ийн гуравдугаар зүйлд зааснаар Монгол Улсын бүх эрх мэдэл ард түмний мэдэлд байна. Монголын ард түмэн энэхүү үйл хэргийг шууд болон өөрийн сонгож байгуулсан төлөөллийн байгууллагаараа дамжуулан эдэлнэ. Манай улс байнгын үйл ажиллагаа парламенттай нэг танхим бүхий ардчиллыг хуулиар баталгаажуулж, төрийн үйл хэрэгт иргэдийн оролцоог хангах эрх зүйн үндсийг 1992 оны шинэ ардчилсан хуулиар баталсан. Ард түмнээс сонгогдсон төлөөллийн дээд байгууллага болох парламент хянан шалгах үүргээ хэрэгжүүлэх нэг хэлбэр нь “Улсын Их Хурлын Дэг”-ийн тухай хуулийн 112-р зүйлийн 112-ийн нэгт заасан “Хууль тогтоомж засгийн газрын үйл ажиллагааны хөтөлбөр, тухайн жилийн төсөв, жилийн төлөвлөгөөний хэрэгжилт, улс орны эдийн засаг, нийгэм, санхүү төлөв байдал болон цаг үеийн тулгамдсан асуудлаар Монгол Улсын Ерөнхий Сайдын мэдээллийг сар бүрийн сүүлийн долоо хоногийн баасан гарагийн үдээс хойших нэгдсэн хуралдаанд мэдээлэл хийх буюу Улсын Их Хурал дахь цөөнхийн бүлгийн гишүүд болон Монгол Улсын Иргэний асуултад хариулдаг байх” хууль хүчин төгөлдөр хэрэгжиж байна. Энэхүү асуултад Монгол Улсын Ерөнхий Сайд өөрийн биеэр мэдээлэл хийнэ. Иргэдийн асуултад Ерөнхий Сайд тухайн хуульд заасан хугацаанд хариулт өгч амжаагүй бол гурав хоногийн дотор цаасаар хариулт өгч Их Хурлын Тамгын Газар холбогдох цахим системдээ Монгол Улсын Ерөнхий Сайдын хариултыг тавина гэж хуульчлагдсан. Монгол Улсын Ерөнхий Сайд нь засгийн газрыг удирдаж төрийн хууль биелүүлэх ажлыг Улсын Их Хурлын өмнө хариуцах бөгөөд Үндсэн Хуулийн 38-р зүйлийн нэгт зааснаар Засгийн Газар нь төрийн гүйцэтгэх дээд байгууллага байна. Ерөнхий Сайд нь Улсын Их Хурлаас томилогдож түүний шууд хяналтад үйл ажиллагаагаа явуулах нь парламент ёсны гол илэрхийлэл болно. Парламентын ардчилал нь ил тод, нээлттэй, тэгш, чөлөөт мэтгэлцээн, үзэл бодлын өрсөлдөөнөөс тодорхойлогдох бол парламент ёс нь Ерөнхий Сайдыг хянаж, хариуцлага тавих нь чухал юм. Тиймээс Монгол Улсын Үндсэн Хуулийн 41-р зүйлд зааснаар Ерөнхий Сайд засгийн газрыг удирдаж, төрийн хууль биелүүлэх ажлыг Улсын Их Хурлын өмнө хариуцаж, Засгийн Газрын үйл ажиллагаа, Улсын Их Хуралд тайлагнах харилцааг хуулиар нарийвчлан зохицуулсан байдаг. Засгийн Газрын үйл ажиллагааны хөтөлбөр, төсөв, гүйцэтгэл болон хуулийн биелэлтэд хяналт тавин хэрэгжүүлэх зорилгоор Улсын Их Хурал, Ерөнхий Сайд, гишүүд болон иргэдийн асуултад хариулдаг болоод гурван жил болж байна. Түүнчлэн парламентын хариуцлагыг нэмэгдүүлэх зорилгоор Ерөнхий Сайд Улсын Их Хуралд худал мэдээлэл өгөхгүй байх, хууль зөрчсөн тохиолдолд хариуцлага хүлээдэг байх, үнэн зөв мэдээлэл өгөх үүрэгтэй. Ерөнхий сайд иргэд, цөөнхийн бүлэг, түүний төлөөлөл тэгш, ил тод, нээлттэй мэтгэлцээнийг өрнүүлэх, хууль тогтоож Монгол Улсын Их Хурлыг мэдээллээр хангаж, Үндсэн Хуулийн нэгдүгээр зүйлд заасан төрийн үйл ажиллагааны үндсэн зарчим болох шударга ёс, эрх чөлөө, тэгш байдлыг хангаж, хууль дээдлэх зарчмыг Засгийн Газрын үйл ажиллагаанд баталгаажуулж, олон нийтийн засгийн газарт итгэх итгэлийг сэргээх түүхэн цаг үе ирж байна. Иймд Монгол Улсын Ерөнхий Сайд таныг хуулиа дээдэлж, төрийн үйл ажиллагааны үндсэн зарчмаар ажиллаж, иргэдийнхээ үгийг байнга сонсож, ил тод нээлттэй, хууль биелүүлж ажиллах тухай шаардлагыг хүргүүлж байна” гэлээ. Мөн Засгийн газрын үйл ажиллагаа, Улсын Их Хуралд тайлагнах харилцааг хуулиар нарийвчлан зохицуулсан байдаг. Засгийн Газрын үйл ажиллагааны хөтөлбөр, төсөв, гүйцэтгэл болон хуулийн биелэлтэд хяналт тавин хэрэгжүүлэх зорилгоор Улсын Их Хурал, Ерөнхий Сайд, гишүүд болон иргэдийн асуултад хариулдаг болоод гурван жил болж байна. Түүнчлэн парламентын хариуцлагыг нэмэгдүүлэх зорилгоор Ерөнхий Сайд Улсын Их Хуралд худал мэдээлэл өгөхгүй байх, хууль зөрчсөн тохиолдолд хариуцлага хүлээдэг байх, үнэн зөв мэдээлэл өгөх үүрэгтэй. Ерөнхий сайд иргэд, цөөнхийн бүлэг, түүний төлөөлөл тэгш, ил тод, нээлттэй мэтгэлцээнийг өрнүүлэх, хууль тогтоож Монгол Улсын Их Хурлыг мэдээллээр хангаж, Үндсэн Хуулийн нэгдүгээр зүйлд заасан төрийн үйл ажиллагааны үндсэн зарчим болох шударга ёс, эрх чөлөө, тэгш байдлыг хангаж, хууль дээдлэх зарчмыг Засгийн Газрын үйл ажиллагаанд баталгаажуулж, олон нийтийн засгийн газарт итгэх итгэлийг сэргээх түүхэн цаг үе ирж байна. Иймд Монгол Улсын Ерөнхий Сайд таныг хуулиа дээдэлж, төрийн үйл ажиллагааны үндсэн зарчмаар ажиллаж, иргэдийнхээ үгийг байнга сонсож, ил тод нээлттэй, хууль биелүүлж ажиллах тухай шаардлагыг хүргүүлж байна” гэлээ.
Эх сурвалж:www.polit.mn