Т.САЙХАН

Ерөнхий сайд Г.Занданшатар Засгийн газрын гишүүдээ УИХ-д танилцуулж, томиллоо. Монгол Улсын 34 дэх Ерөнхий сайд Г.Занданшатар 19 яам, 20 сайдтай танхимаа бүрдүүллээ. МАН-аас 16, ХҮН намаас хоёр, ИЗНН-аас нэг сайд томилогдлоо. Тэрээр Төрийн хэмнэлтийг хэрэгжүүлж, төсвийн сахилга батыг ягштал мөрдөж ажиллана гэлээ.  Өчигдөр үдээс хойш 16:30 цагт эхэлсэн УИХ-ын чуулган гишүүд сайд нараас асуулт асууж, хариулт авч дууссан. Чуулганы хуралдаан 30 минут завсарласны дараа сайд нар УИХ-д тангаргаа өргөж, тангаргийн бичигт гарын үсэг зурлаа.

Г.Занданшатарын тэргүүлсэн Засгийн газар

1. Тэргүүн Шадар сайд бөгөөд Эдийн засаг, хөгжлийн сайдад Ням-Осорын Учрал,

2. Шадар сайдад Тогмидын Доржханд,

3. Шадар сайдад Сайнбуянгийн Амарсайхан,

4. Засгийн газрын Хэрэг эрхлэх газрын даргад Сандагийн Бямбацогт,

5. Гадаад харилцааны сайдад Батмөнхийн Батцэцэг,

6. Сангийн сайдад Болдын Жавхлан,

7. Хууль зүй, дотоод хэргийн сайдад Лхагвын Мөнхбаатар,

8. Аж үйлдвэр, эрдэс баялгийн сайдад Гонгорын Дамдиннням,

9. Батлан хамгаалахын сайдад Дамбын Батлут,

10. Байгаль орчин, уур амьсгалын өөрчлөлтийн сайдад Батын Батбаатар,

11. Боловсролын сайдад Пүрэвсүрэнгийн Наранбаяр,

12. Гэр бүл, хөдөлмөр, нийгмийн хамгаалллын сайдад Тилеуханы Аубакир

13. Зам, тээврийн сайдад Борхүүгийн Дэлгэрсайхан,

14. Соёл, спорт, аялал жуулчлал, залуучуудын сайдад Чинбатын Ундрам,

15. Хот байгуулалт, барилга, орон сууцжуулалтын сайдад Энхтайваны Бат-Амгалан,

16. Хүнс, хөдөө аж ахуй, хөнгөн үйлдвэрийн сайдад Жадамбын Энхбаяр,

17. Цахим хөгжил, инновац, харилцаа холбооны сайдад Энхбаярын Батшугар,

18. Эрчим хүчний сайдад Баттогтохын Чойжилсүрэн,

19. Эрүүл мэндийн сайдад Жигжидсүрэнгийн Чинбүрэн нарыг нэр дэвшүүлсэн юм.

Эх сурвалж:www.polit.mn