Т.САЙХАН

Төрийн байгуулалтын байнгын хорооны хурал  12.00 цагт эхэллээ.   Хуралдаанаар Ерөнхий сайдад Г.Занданшатарыг томилох Ерөнхийлөгчийн саналыг хэлэлцэж байгаа юм.  Энэ үеэр

УИХ-ын гишүүн Н.Номтойбаяр: -Өмнөх Ерөнхий сайд Л.Оюун-Эрдэнэ итгэл үзүүлэх асуудлыг УИХ-д оруулж ирэхдээ удаа дараа нэг зүйлийг хэлсэн. Тэрээр "Ерөнхийлөгчийн дэмжлэг байхгүй болсон. Зөрчил үүссэн" гэсэн. Зөрчил нь яг юу байв. Та ажиллаж эхэлснээр энэ зөрчил арилах уу. Өмнөх Засгийн газар кабинетын зарчмаар ажиллаж чадаагүй. 

Нэр дэвшигч Г.Занданшатар: -Яагаад нэр дэвшиж байна вэ гэхээр Үндсэн хуулийн нэмэлт өөрчлөлтийг хэрэгжүүлэхийн тулд нэр дэвшиж байна. Дэлхийн улс орны нөхцөл байдал, эдийн засаг ийм хүнд нөхцөлд МАН-аас итгэл үзүүлж байхад хойш суух эрх байхгүй. Ингэж бидэнд сургасан. Ажлын туршлага таарч байна. МАН-ын Бага хурал дотоод ардчилалтай болсон. Өнөөгийн нөхцөл байдал хүнд байхад дотооддоо бид эв нэгдэлтэй ажиллах ёстой. Улс орныхоо эрх ашгийг эхэнд тавих ёстой. Засгийн газрын хараат бус байдлыг хангах ёстой. Бид ингэж байж хүнд цаг үеийг давна. Ер нь Засгийн газрын кабинетын зарчим алдагдаж байсан цаг үе олон байсан. Бид арагшаа бус урагшаа харж ажиллана. Элдэв тоо хэлж, ард иргэдэд хүлээлт үүсгэмээргүй байна" гэлээ. 

Эх сурвалж:www.polit.mn