Т.САЙХАН
Хан-Уул дүүргийн Эрүү, иргэний хэргийн хялбар ажиллагааны анхан шатны тойргийн шүүхээс Төв цэнгэлдэх хүрээлэнгийн захирал Ж.Энхжаргалан, Ардчилсан намын гишүүн Д.Мөнх-Эрдэнэ нарыг ес хоног баривчлах шийдвэр гаргасан байсан юм. Харин Ж.Энхжаргалангийн өмгөөлөгч давж заалдсанаар түүнийг баривчлах шийтгэлийг хүчингүй болгох шүүгчийн шийдвэр гарснаар өнөөдөр 19:00 цагийн орчимд суллажээ.
Тэднийг Төв цэнгэлдэх хүрээлэн дотор цахим орчинд хэрүүл маргаан үүсгэсэн, олон нийтийг үл хүндэтгэсэн, харилцан нэгэндээ халдаж, хохирол учруулахгүйгээр зодсон гэж үзэн, Зөрчлийн тухай хуульд заасан үндэслэлээр дээрх шийтгэлийг ногдуулсан байна. Ингэхдээ Д.Мөнх-Эрдэнийг 10 цагийн хугацаагаар албадан сургалтад харуулж ес хоногийн хугацаагаар баривчлах, Ж.Энхжаргаланг мөн 10 цагийн хугацаагаар албадан сургалтад хамруулж, ес хоногийн хугацаагаар баривчлах шийтгэл тус тус оногдуулж шийдвэрлээд байсан юм.
Эх сурвалж:www.polit.mn