Ерөнхий сайд Л.Оюун-Эрдэнэд итгэл хүлээлгэх эсэх тогтоолын төслийг УИХ өнөөдөр хэлэлцэж шийдвэрээ гаргана. Одоогоор МАН, АН бүлэг хуралдаж, Ерөнхий сайд Л.Оюун-Эрдэнэ бүлгийн хуралдаанд байр сууриа илэрхийлж байна. Үүнтэй зэрэгцэн түүний МАН-ын бага хурлын үеэр Засгийн газрын хувь заяатай холбоотой ямар байр суурь илэрхийлсэн нь анхаарал татаж байна. Тэрээр “Эхнээсээ стандарт бус Засгийн газар байгуулсан нь үнэн. Ард түмэн олонх болгож сонгоод байхад хамтарсан засаг байгуулсан” гэжээ. Мөн “Гэрээнийхээ үүргээ биелүүлэхгүй байгаа АН-ыг засгаас гаргая. Үнэхээр болохгүй гэвэл гэрээгээ цуцалчихаа. Би нялцганаад байлгүй шийдвэрийг дагана. Хэрэв Хамтарсан засаг явахгүй бол би ёс зүйн хариуцлагаа хүлээгээд ажлаа өгөх ёстой” гэжээ.
Эх сурвалж:www.polit.mn