Т.САЙХАН
Ерөнхий сайд Л.Оюун-Эрдэнэд итгэл хүлээлгэх эсэх асуудлаар МАН-ын бүлэг хуралдаж эхлээд байна. МАН-ын бүлгийн хурлын дараа 12.00 цагт УИХ-ын Төрийн байгуулалтын байнгын хороо хуралдаж итгэл хүлээлгэх эсэх тогтоолын төслийг хэлэлцэн УИХ-ын чуулганы нэгдсэн хуралдаанд Байнгын хорооноос гаргасан санал дүгнэлтийг танилцуулах юм. Бүлгийн хурлын талаар УИХ-ын гишүүн А.Ариунзаяа байр сууриа илэрхийллээ. Тэрээр "Бүлгийн гишүүд ямар нэгэн үг санал илэрхийлсэнгүй. Бүгдээрээ итгэл үнэмшлээрээ саналаа өгнө гэдэг байр суурийг илэрхийлсэн. Ямар нэгэн шахалт үүрэг даалгавар өгөгдсөн асуудал байхгүй. Санал хураалттай холбоотойгоор гишүүд рүү маш их мессеж ирж байна. Зарим нь заналхийлэлд өртөж байна. Гэхдээ түүнд автах нь хаашаа юм, ийм нөхцөл байдал үүсч байгаад жаахан харамсаж байна" гэлээ.
Эх сурвалж:www.polit.mn