Т.САЙХАН

УИХ-ын чуулганы /04.18/ нэгдсэн хуралдаан 63.3 хувийн ирцтэй эхэллээ. 

Өнөөдрийн хуралдаанаар 

1.Монгол Улсын Их Хурлын сонгуулийн тухай хуульд өөрчлөлт оруулах тухай хуулийн төсөл /Үндсэн хуулийн цэцийн 03 дугаар дүгнэлтийг хүлээн зөвшөөрсөнтэй холбогдуулан боловсруулсан, анхны хэлэлцүүлэг, үргэлжилнэ/;
2.Монгол Улсын шүүхийн тухай хуульд өөрчлөлт оруулах тухай хуулийн төсөл /Үндсэн хуулийн цэцийн 2025 оны 02 дугаар дүгнэлтийг хүлээн зөвшөөрсөнтэй холбогдуулан боловсруулсан, анхны хэлэлцүүлэг, үргэлжилнэ/;
3.Үндсэн хуулийн цэцэд хүсэлт гаргах саналын тухай; 4.Баталсан хууль, тогтоолын эцсийн найруулгыг сонсоно.

Хуралдааны эхэнд УИХ-ын дарга Д.Амарбаясгалан: -Монгол Улсын их хурлын Сонгуулийн тухай хуульд өөрчлөлт оруулах тухай хуулийн төслийн анхны хэлэлцүүлэгийг үргэлжлүүлэн явуулна. УИХ-ын гишүүд байнгын хорооны санал дүгнэлттэй холбоотой асуулт асууж, хариулт өгч дууссан. Тиймээс хуулийн эцэслэн батлах санал хураалт явуулж байна.  Санал хураалтад оролцсон гишүүдийн 71.1 хувийн саналаар хууль эцэслэн батлагдлаа.  Дараагийн хэлэлцэх асуудал Монгол Улсын шүүхийн тухай хуульд өөрчлөлт оруулах тухай хуулийн төслийн хэлэлцүүлэгийг үргэжлүүлэн явуулна. УИХ-ын гишүүд байнгын хорооны санал дүгнэлттэй холбоотой асуулт асууж, хариулт өгч дууссан. Байнгын хорооноос Монгол Улсын шүүхийн тухай хуульд өөрчлөлт оруулах тухай хуулийн төслийн анхны хэлэлцүүлэгээс эцэслэн батлах үе шат руу шилжүүлэх горимын санал гаргасан. Үүний дагуу санал хураалт явуулж УИХ-ын 60 гишүүн буюу 60 хувиар горимын санал дэмжигдлээ. Тиймээс Монгол Улсын шүүхийн тухай хуульд өөрчлөлт оруулах тухай хуулийн төслийг эцэслэн батлагдсан тооцлоо" гэв. 

Эх сурвалж:www.polit.mn