ОХУ-ын Бельги дэх Элчин сайдын яам НАТО-г Калининград мужийн эсрэг "хариуцлагагүй бодлого" явуулж байна гэж есдүгээр сарын 28-нд шүүмжлэв. Уг мэдэгдэлд НАТО-гийн энэ бодлого ОХУ-той шууд цэргийн мөргөлдөөн үүсэх эрсдэлийг эрс нэмэгдүүлж байна гэсэн байна.

TASS агентлагийн мэдээлснээр Оросын дипломатууд НАТО-гийн орнууд Калининградыг ОХУ-ын үлдсэн нутагтай холбогдохоос тусгаарлахыг оролдвол Орос улс бүх зэвсгээ ашиглахад бэлэн байгаа гэж мэдэгдсэн байна. Мөн НАТО-гийн гишүүн орнуудыг цаашид хурцатгасан үг хэллэг, үйлдэл гаргахгүй байхыг уриалжээ.

Оросын парламентын гадаад харилцааны хорооны дарга Леонид Слуцкий Калининградын эсрэг халдлагыг ОХУ-ын эсрэг халдлагатай адилтгана гэж өмнө нь мэдэгдэж байсан. Польш, Литвийн хооронд орших, ОХУ-ын нутагтай газраар шууд холбогдоогүй Калининград мужийг Балтийн орнуудын НАТО-Орос харилцааны хамгийн эмзэг цэг гэж үздэг.

АНУ-ын арми Европ дахь цэргийн командлагч Кристофер Донахью саяхан НАТО Калининградыг "урьд өмнө байгаагүй хурдтай" эзлэн авах чадвартай гэж мэдэгдсэн нь Оросын хариу үйлдлийг өдөөсөн байж болзошгүй гэж олон улсын хэвлэлүүд мэдээлж байна.

Эх сурвалж: polit.mn