Т.САЙХАН

УИХ-ын гишүүн Н.Номтойбаяр цаг үеийн асуудлаар мэдээлэл өглөө. Тэрээр "Хуулийн өмнө бүгд эрх тэгш байх эрхтэй. Түүнээс биш хэн нэгэн хүний дургүй компаниуд олон нийтэд хулгайч мэт муухай болж харагдах ёсгүй. Хуулийн дагуу үндэсний үйлдвэрээ байгуулж, улс орныхоо эдийн засагт хувь нэмэр оруулъя гэж байгаа хөдөлмөрлөж байгаа хүмүүсээ баалаад байх нь утгагүй. Нөгөө талдаа хамгийн булхиатай, хууль бус, залилан мэхлэх арга замаар гөлөг төөрүүлж байгаа мэт луйвар хийсэн асуудлууд байгаад байна шүү дээ. Тэгэхээр хуулийн дагуу тэгш л байя. Л.Оюун-Эрдэнийн Засгийн газрыг төлөөлж хэрэг эрхлэх газрын дарга Н.Учрал сүүлийн 2-3 хоногт Төгрөг нуур түүний эзэмшил бүхий эзэн Халтмаагийн Баттулгатай холбоотой хэд хэдэн мэдэгдлүүдийг хийсэн. Төгрөг нуурын орд яах аргагүй Х.Баттулгатай холбоотой. Мөнгө угаасан байж болзошгүй маш ноцтой асуудал байна лээ. Өмнө нь үүнийг сонсч байсан ч төдийлөн итгэл төрж байгаагүй. Янз бүрийн улс төрийн зорилгоор хэн нэгнийг харлуулдаг, гүтгэдэг, доромжилдог асуудлууд байна. Яг бодит байдал юу байна вэ? гээд судлаад үзэхээр Төгрөг нуур гэх гурван тэрбум тонн хүрэн нүүрсний нөөцтэй стратегийн орд газрын томьёолол яах аргагүй 2007 оны хоёрдугаар сарын 6-нд орсон компанийн эзэмшилт буюу тэр нөхөр дээр байсан юм билээ. 250 сая ам:доллараар зарсан гэдэг мэдээлэл ч явж байгаа. Үүнийг ингээд дүгнэхэд, хуулийн дагуу зарж болно. Тэгвэл татвар төлсөн үү? Татвараас зайлсхийх бол маш ноцтой эрүүгийн гэмт хэрэг. Дээрээс нь мөнгө угаасан байж болзошгүй маш ноцтой эрүүгийн гэмт хэргийн шинжтэй үйлдлүүд харагдаж байна лээ. Мөн үндэслэлгүйгээр хөрөнгөжсөн. Үүнээс гадна оффшор бүс. Маш олон асуудлууд харагдаж байна лээ. Хамгийн гол нь гадагшаа займчилж, холдуулдаг нь нотлох баримттай" гэлээ. 

Эх сурвалж:www.polit.mn