Т.САЙХАН

УИХ-ын чуулганы нэгдсэн хуралдаанаар  АТГ-ын дарга З.Дашдавааг улираан томиллоо.  Энэ үеэр гишүүд асуулт асууж хариулт авав. 

УИХ-ын гишүүн Ө.Шижир:- Төрд хэт их эрх мэдэл төвлөрснөөс, авлигал, шударга бус байдал газар авсан. АТГ соён гэгээрүүлэх үүргээ илүү ухамсарлаж ажиллах хэрэгтэй. АТГ-ын даргын үндсэн үүрэг бол төрийн хүнд сурталыг үгүй болгоход чиглэх ёстой. 2016,2020,2024 оны сонгуулийн жил угтсан төсвийн тэлэлт, түүнтэй холбоотой арилжааны банкнаас гарч байгаа бэлэн мөнгө өмнөх оны  мөн үеэсээ 6-8 дахин өсдөг мэдээлэл бий. Энэ бол  улс төрийн сонгууль мөнгөнөөс хамааралтай болдог гэдгийг харуулж байна. Тиймээс АТГ-ын дарга энэ асуудалд анхаарч ауиллах хэрэгтэй. Мөн улс төрийн намын санхүүжилтийг заавал ярих ёстой. Тухайлбал, УИХ, Засгийн газарт суудалтай ХҮН намаар жишээ авахад нэг тэрбум 95 сая төгрөг хандиваар авсан байна. Үүнийхээ нэг тэрбум 45 сая төгрөгийг нэг компани, түүний хамаарал бүхий 37 охин компаниас авсан байна. Өөрөөр хэлбэл, сонгуулийн санхүүжилтийн 98 хувийг нэг  компани, түүний хамаарал бүхий 37 охин компаниас авсан байгаа нь хуульчилагдсан авлига шүү. Ийм жишээ дэлхийн түүхэнд байхгүй. АТГ улстөрийн намын санхүүжилт дээр сайтар анхаарч ажиллах ёстой. бусад улстөрийн насууд ч уг асуудалд анхаарч ажиллах хэрэгтэй. Энэ бол төрийн эрх мэдлийг хууль бусаар авах гэсэн төрийн эрх мэдэлд хууль бусаар гарах гэсэн оролдлого гэлээ. 

Эх сурвалж:www.polit.mn