Т.САЙХАН

УИХ-ын гишүүн Д.Цогтбаатар  Дээд шүүхэд ял хойшлуулах хүсэлт гаргажээ. Тодруулбал, гуравдугаар сарын 10-нд Улсын Дээд шүүхийн Эрүүгийн хэргийн танхимын шүүгч Ч.Хосбаярт хандан "Ял эдлэх хугацааг хойшлуулж өгөх" хүсэлт хүргүүлсэн байна.  Ингэхдээ УИХ-ын гишүүнээр ажиллах дөрвөн жилийн хугацаа дуусгавар болох хүртэл ял эдлэх хугацааг хойшлуулж өгнө үү гэжээ. 

 Гэхдээ хуулиараа Д.Цогтбаатар гишүүний ялыг хойшлуулах хүсэлтийг хүлээн авах боломжгүй аж. Хуульд хэд хэдэн хүндэтгэх шалтгааны улмаас ялыг хойшлуулахаар заасан байдаг бөгөөд энэ нь зөвхөн анх удаа гэмт хэрэг үйлдсэн хүмүүст л хамаарахыг хуульд заасан билээ. 

Эрүүгийн хууль хянан шийдвэрлэх тухай хуульд:

37.5 дугаар зүйл. Шүүхийн шийтгэх тогтоол биелүүлэхийг хойшлуулах

1. Шүүх анх удаа хөнгөн гэмт хэрэг үйлдсэн өсвөр насны хүн, жирэмсэн эмэгтэй, гурав хүртэлх насны хүүхэдтэй эх, ганц бие эцэгт хорих ял оногдуулсан шүүхийн шийтгэх тогтоол биелүүлэхийг 2 жил хүртэл хугацаагаар хойшлуулж болно. Энэ хугацаанд ялтанд шүүхийн шийдвэр гүйцэтгэх байгууллага хяналт тавина.

1. Энэ зүйлийн 1 дэх хэсэгт заасан этгээд шүүхийн шийтгэх тогтоол биелүүлэхийг хойшлуулсан хугацаанд шүүхээс хүлээлгэсэн үүрэг, тогтоосон хязгаарлалтыг зөрчөөгүй бол прокурорын дүгнэлтийг үндэслэн шүүх ялаас чөлөөлнө гэж заасан байна.

Эх сурвалж:www.polit.mn