ОХУ-ын зайрмагны экспорт 2025 онд 14 хувиар өссөн гэж холбооны төвийн Агроэкспортын Telegram сувагт мэдээлэв.
Мэргэжилтнүүдийн урьдчилсан тооцоогоор энэ оны 1-2 дугаар сард ОХУ 850 орчим тонн зайрмаг гадаад зах зээлд нийлүүлсэн байна. Үүнийг өнгөрсөн оны мөн үетэй харьцуулахад экспорт биет байдлаар 14 хувиар өссөн байна.
Оросоос хамгийн их зайрмаг импортолдог орон бол Казахстан /31% бөгөөд дараа нь Монгол Улс хоёрдугаарт (23%), Хятад улс (18%) гуравдугаарт орж байна.
ОХУ-ын зайрмагны экспорт 2024 онд биет байдлаар 10% -иар нэмэгдэж, 15 мянган тонн байсан гэж rg.ru мэдээлжээ. “Энэ салбар одоо Ази болон Ойрхи Дорнодын найрсаг орнууд руу экспортын чиглэлээ өөрчлөх сорилттой тулгарч байна. Хятад, Саудын Араб, АНЭУ-д нийлүүлэлтийг нэмэгдүүлэх хамгийн их боломж бий” гэж тус сонин бичсэн байна.
Эх сурвалж: polit.mn