Т.САЙХАН

Засгийн газрын ээлжит хуралдаанаас гаргасан шийдвэрийг танилцуулж байна. Сангийн сайд Б.Жавхлан "Өмнөх Засгийн газрын хуралдаанаар байгуулагдсан экспортыг богино хугацаанд нэмэгдүүлэх, валютын нөөц нэмэгдүүлэх ажлын хэсэг байгуулагдаж эхний шийдвэрээ гаргаж эхэллээ. Бирж дээр шинэ журам батлагдлаа. Ажлын хэсгийн анхны тайланг Засгийн газрын хурал дээр тайлагналаа. Хурлын дараах шийдвэрийг өгч байх болно. Ажлын хэсгийн зүгээс ажлын зорилтыг тодорхойллоо. Ажлын хэсэг байгуулагдах үед Монгол Улсын валютын нөөц 4.5 тэрбум ам.доллар орчимд байгааг богино хугацаанд нэмэгдүүлэх. Тухайлбал, валютын нөөцийг 5.5 тэрбум ам.долларт хүргэх, үүнийг давуулах импортын 6 сарын хэрэглэээний хэмжээнд хүргэхээр зорьж байна. Одоо бидэнд тулгамдаж буй асуудлыг оношлох нь чухал байна. Өнөөдрийн байдлаар хэд хэдэн шалтгааны улмаас Монгол Улсын урд хилүүдэд Булган, Шивээхүрэн, Гашуунсухайт, Хангийн боомтод нийт 9.5 сая тонн нүүрс овоолго үүсээд байна. Цар тахлын үед 20 сая тонн хүртэл овоолго үүссэн байна. Ковидын хэмжээнд хүрээгүй ч 10 гаруй сая тонны нүүрсний гацаа үүсээд байна. Үүнийг хөдөлгөхөөс нааш бирж дээр арилжаа явуулах боломжгүй байна. Овоолго үүссэн шалтгаан нь Өнгөрсөн оны хагас жилийн хугацаанд хийсэн гэрээ, энэ онд хийсэн 50 гаруй гэрээ байна. Үүнээс хил хүртэл хүргэж өгөх үүрэг хүлээсэн гэрээнүүд. Намраас хойш нүүрсний үнэ 40 хувь унаж, худалдан авагчид таталт хийгээгүй байна. Тиймээс биш Хятадын нүүрсний эрэлт буурснаас болоогүй. Хятадын талд эрэлт буурсан ч 5 хувьд л яригдана уу гэхээс 30, 40 гэж байхгүй. Биржийн арилжаа 5 дахин буурсан байна. Нүүрсний татан авалт 40-50 зогссон байна. Биржийн дараагийн арилжаанд орохгүй" гэлээ. 

Эх сурвалж:www.polit.mn