Т.САЙХАН

1Хbet-ийг сурталчлах, дэмжих, зохион байгуулах зэрэг бүх үйлдэлд Эрүүгийн хариуцлага хүлээлгэдэг болох эрхзүйн зохицуулалт бүхий хуулийн төслийг яаралтай горимоор УИХ-д өргөн мэдүүлэхээр Засгийн газраас шийдвэрлэсэн. Үүнтэй холбоотойгоор ЗГХЭГ-ын дарга Н.Учралаар ахлуулсан ажлын хэсэг ажиллаж буй. Хуулийн төслийг боловсруулах үйл явцтай холбоотойгоор ЗГХЭГ-ын дарга Н.Учрал "Спорт төлбөрт таавар болон бүх төрлийн BET-ийг Монгол Улсын нутаг дэвсгэрт бүрэн хориглохоор нэмж хуульд тусгахаар ажиллаж байна. Цахим мөрийтэй тоглоомыг бүрэн хориглох хуулийн төсөлд Засгийн газрын хуралдаанд сайд нарын илэрхийлсэн байр суурь, иргэд, эдийн засагч, хуульч, судлаач, мэргэжлийн холбоодын саналыг тусган ажиллаж байна.

“Цахим мөрийтэй тоглоомыг тоглох, зохион байгуулах, зуучлах, тоглох, сурталчлах”-ыг болон нэмээд спорт төлбөрт тааврын бүх төрлийн BET-ийг Монгол Улсын нутаг дэвсгэрт бүрэн хориглож, гэмт хэрэгт тооцох хуулийн төслийг УИХ-д өргөн мэдүүлэхээр эцэслэн найруулж байна.

Хүний хувь заяаг золиослон бооцоолдог, мөрийнд тавьж мөнгө, ашиг асар ихээр олдог сүлжээний эрх ашиг хөндөгдөх тул та бүхнийг дэмжиж өгөхийг хүсье" гэжээ.

Эх сурвалж:www.polit.mn