Т.САЙХАН

БНХАУ-ын дарга Ши Жиньпин ОХУ-ын ерөнхийлөгч Владимир Путины урилгыг хүлээн авч, Зөвлөлт Холбоот Улс Нацист Германыг ялсны 80 жилийн ойг тэмдэглэх арга хэмжээнд оролцохоор болсон тухай төрийн хэвлэл мэдээллийн ТАСС агентлаг мэдээлжээ. 

"БНХАУ-ын дарга Ши Жиньпин тавдугаар сарын 9-нд Москвад болох Аугаа эх орны дайны ялалтын 80 жилийн ойг тэмдэглэх арга хэмжээнд оролцох урилгыг хүлээн авлаа" хэмээн ОХУ-аас БНХАУ-д суугаа элчин сайд Игорь Моргулов Оросын төрийн телевизэд мэдээлснийг ТАСС агентлаг иш татан уламжилжээ. Кремль өнгөрсөн арванхоёрдугаар сард Оросуудын “Аугаа их эх орны дайн” гэж нэрлэдэг дайн дууссаны 80 жилийн ойн арга хэмжээнд оролцох урилгыг олон оронд илгээсэн талаар мэдэгдсэн. Моргулов хэлснээр Ши Жиньпин хариуд нь ОХУ-ын ерөнхийлөгч Владимир Путиныг Хятадад ирэх есдүгээр сард хийхээр төлөвлөж буй дэлхийн II дайн дууссаныг тэмдэглэх дурсгалын арга хэмжээнд урьсан байна.

Эх сурвалж:www.polit.mn