Т.САЙХАН

“Агаарын бохирдлыг бууруулах хүрээнд утааны асуудлаарх бодлого, шийдвэрийн хэрэгжилтийн үр дүн, шийдэл” ерөнхий хяналтын сонсгол Төрийн ордны Их эзэн Чингис хаан танхимд эхэллээ.

Сонсголд “Агаарын бохирдол-хүн амын эрүүл мэнд "Амьд явах, эрүүл, аюулгүй орчинд амьдрах эрх" нэг дэх хэлэлцүүлгийн талаар УИХ-ын Хүний эрхийн дэд хорооны дарга С.Эрдэнэболд, “Утааны асуудал: Стандарт, хяналт "Зуух, түлшний технологи" сэдэвт хэлэлцүүлгийн талаар УИХ-ын гишүүн З.Мэндсайхан нар танилцуулна.  

Хуралдаанаар Ерөнхий хяналтын сонсголын бэлтгэл ажлыг хангах, зохион байгуулах ажлыг хэсгийг 22 гишүүний бүрэлдэхүүнтэй байгуулсан бөгөөд, ажлын хэсгийн ахлагч, сонсгол даргалагчаар УИХ-ын гишүүн Ж.Чинбүрэн ажиллаж байна. 

УИХ-ын гишүүн Ж.Чинбүрэн: 

-Сонсгол нээснийг мэдэгдье. Өнөөдрийн сонсголд УИХ-ын гишүүдээс гадна, ТББ-ын төлөөлөл зургаан хүн, иргэдийн төлөөлөл 94 хүн, шууд дамжуулан ажиллаж байгаа хоёр телевиз, нийт 104 оролцогч бүртгүүлснээс ТББ төлөөлөл 64, иргэдийн төлөөлөл 46 хүн сонсголын хоёр өдөрт хуваагдан оролцож байна. Мөн Монгол Улсын УИХ-ын Дэгийн тухай хуулийн 126 дугаар зүйлийн 4-т "Ерөнхий сонсголыг нээлттэй, хаалттай зохион байгуулах бөгөөд хувь хүн, байгууллага төрийн нууцад хамаарах болон үндэсний аюулгүй байдлыг хангахтай холбоотойгоос бусад асуудалд сонсголыг хаалттай явуулахыг хориглоно" гэж заасны дагуу хэвлэл мэдээллийн хэрэгслээр сонсголыг шууд дамжуулан ажиллаж байна. 

Эх сурвалж:www.polit.mn