Т.САЙХАН

Дотоодын цэргийн командлагч, бригадын генерал Р.Чингисийг өчигдөр үүрэгт ажлаас нь чөлөөлжээ. Энэхүү албан тушаалд томилж, чөлөөлөх шийдвэрийг Хууль зүй, дотоод хэргийн сайд гаргадаг. 

Ерөнхий сайд Л.Оюун-Эрдэнэ өмнө нь "Төмөр замын хэлэлцээрийг хийсэн цагаас эхлээд жагсаал цуглаан хийж эхэлсэн. Жагсаалыг П.Цагаан, түүний хүү мөн Дотоодын цэргийн командлагч Р.Чингис дүү Р.Саруулын хамт санхүүжүүлж байгаа. Яагаад гэвэл эрх ашиг нь зөрчигдөж байгаа компани тэдний ард бий" хэмээн мэдэгдээд байсан юм.

Р.Чингис өмнө нь дараах албан тушаалуудад ажиллаж байжээ.

• 1984-1985 онд Улсын Цагдан сэргийлэх ерөнхий газрын 0230 дугаар ангид хугацаат цэргийн алба хаагч,
• 1989-1990 онд Улаанбаатар хотын Цагдан сэргийлэх газарт гэрээт төлөөлөгч,
• 1990-1992 онд Улсын цагдан сэргийлэх ерөнхий газрын Өмчийн хэлтэст төлөөлөгч,
• 1992-2001 онд Цагдаагийн ерөнхий газрын Эдийн засгийн хэлтэс, Банкны өр барагдуулах албаны Цагдаагийн гэрээт хэсэг, Эрүүгийн цагдаагийн газрын Эдийн засгийн гэмт хэрэгтэй тэмцэх хэлтэст ахлах төлөөлөгч,
• 2004-2007 онд Эрүүгийн цагдаагийн газрын Эдийн засгийн гэмт хэрэгтэй тэмцэх хэлтэст Авилгалтай тэмцэх тасгийн дарга,
• 2007-2012 онд Эрүүгийн цагдаагийн газрын Эдийн засгийн гэмт хэрэгтэй тэмцэх хэлтсийн дарга,
• 2012 онд Цагдаагийн ерөнхий газрын Тэргүүн дэд дарга,
• 2012-2014 онд Хууль сахиулахын Их сургуулийн захирал,
• 2014-2016 онд Цагдаагийн ерөнхий газрын дарга,
• 2021 онд Нийслэлийн Засаг даргын Хөгжлийн бодлогын асуудал хариуцсан нэгдүгээр орлогч дарга,
• 2011 оны 11 дүгээр сараас Хууль зүй, дотоод хэргийн сайдын тушаалаар Дотоодын цэргийн штабын даргаар ажиллаж байв.

Эх сурвалж:www.polit.mn