ГЭРЭЛ ЗУРГИЙГ Р.ОЮУН

Монгол Улсын баатар Ч.Дугаржавын нэрэмжит, Цэргийн гавьяаны одонт Хилийн цэргийн 0184 дүгээр ангийн кофе шопоор орж үзлээ. Хаалгаар ороход ая тухтай орчин угтав. Хоймор байх зурагтаар намуухан дуу эгшиглэх нь амар амгаланг илтгэнэ. Цонхны тавцан дээр хилчин эмэгтэйчүүдийн урласан давсан бүтээгдэхүүнүүдийг тавьсан нь орж ирсэн хүн бүрийн харцыг булааж байлаа. Ангийн зүгээс эмэгтэйчүүдийнхээ үйл ажиллагааг дэмжих зорилгоор кофе шоп нээн ажиллуулж байна. Тус анги албан хаагчдынхаа ая тухтай ажиллах орчинг бүрдүүлэх, тэдний үр хүүхэд болон ахмад хилчиддээ баяр ёслол, төрсөн өдрөөр нь зах зээлийн үнээс хямд, эрүүл ахуйн шаардлага хангасан хоол, хөнгөн зууш, кофегоор үйлчилдэг ажээ. Мөн ангийн эмэгтэйчүүдийн зөвлөл цаашид хийх ажил төрлөө ярилцахаас гадна хоолны өдөрлөгийг кофе шопдоо зохион байгуулдаг хэмээн тус ангийн эмэгтэйчүүдийн зөвлөлийн дарга, ахлах ахлагч, Соёлын тэргүүний ажилтан М.Мандухай хэлж байсан. Мөн дэслэгч З.Энхтайван давсан урлал хийдэг бөгөөд ангийн эмэгтэйчүүдээ давсан урлалын сургалтад хамруулсан бол тус ангийн Хилийн 0159 дүгээр салбарын дэд ахлагч Г.Энхтуяа "Эго" брэндийн эко саван, сүү, банны бөмбөлөг, давс хийж хилийн салбарынхаа албан хаагчдын хэрэглээг хангадаг байна. 

Модны хаягдал ашиглан лааны суурь хийжээ. 

Хилчин эмэгтэйчүүдийн урласан давсан бүтээлүүд.

Банны бөмбөлөг болон алжаал тайлах давс.

Эх сурвалж www.polit.mn