![](http://resource4.sodonsolution.org/polit/image/2023/03/29/y3o5f9d0kg5nn99p/Ш.Энхийн-од NBA-ийн драфтад нэрээ өгчээ.jpg)
Д.ДАРАМБАЗАР
Сагсан бөмбөгийн Америкийн коллежийн лигт анх удаа тоглосон Ш.Энхийн-Од NBA-ийн драфтад нэрээ өгжээ. Ингэснээр мэргэжлийн лигт гол анхаарлаа хандуулж эхэлсэн байна. Энэ нь NBA-д нэрээ дэвшүүлж буй анхны монгол тамирчин болсон тохиолдол боллоо. Ш.Энхийн-од сүүлийн үеийн коллежийн сагсан бөмбөгчдийн жишгийг даган ердөө ганц улирлыг NCAA-д өнгөрүүлсэн. Тэрбээр өөрийн хувийн агентаа “Rize Management” компанийн Скотт Николсыг сонгосон байна. Алдарт “ESPN”-ийн Жонатан Живонигийн мэдээлснээр “Майк Шаравжамц NBA-ийн драфтад нэрээ өгч байгаа учир ирэх улиралд Дэйтоны их сургуульд суралцахгүй. Түүний хувьд өөр сургууль руу шилжих боломжтой ч мэргэжлийн түвшинд сагсан бөмбөг тоглохоо урьтал болгоод байна” гэсэн мэдээлийг өөрийн хувийн хуудастаа бичжээ. Мэргэжилтнүүдийн өмнө мэдээлснээр Ш.Энхийн-Од NBA-ийн хоёрдугаар тойргийн сонголтод орох бүрэн боломжтой гэж үзэж байна.
Эх сурвалж: www.polit.mn