Б.ОД

Коронавируст халдварын цар тахлын эсрэг авч хэрэгжүүлсэн арга хэмжээ, төсвийн зарцуулалтыг УОК-оос танилцуулж байна.

"Нэг хаалга" шинжилгээ хийж эхэлснээс хойш аудитын хяналтыг цаг тухай бүрд нь хийж байсан ба цар тахлын үр дагавар харьцангуй багасаж, эдийн засгийн хувьд ч тогтворжиж байгаа тул 2021-2022 оныхтой нэгтгэсэн тайлан мэдээллийг хүргэж байгаа юм байна.

Энэ талаар Эрүүл мэндийн сайд С.Энхболд “Ковидын үед улсын хэмжээнд 11.2 их наяд төгрөг зарцуулснаас 13 хувь буюу нэг их наяд 617.3 тэрбум төгрөгийг эрүүл мэндийн салбарт зарцуулсан. Үүнээс эмчилгээ үйлчилгээнд 595 тэрбум төгрөгийг зарцуулсан бол үлдсэн нь хөрөнгө оруулалт, бэлэн байдлыг хангах, чадавхыг бэхжүүлэхэд зарцуулагдсан. Нийт улсын төсвөөс болон бусад хандиваар 1 их наяд 118.8 тэрбум төгрөг, үлдсэн нь ЭМД-ын сангаас гарсан Ковидын үеийн тусламж үйлчилгээнд зарцуулагдсан” гэв.

Тодруулбал, 2020 онд 153.5 тэрбум, 2021 онд 681.3 тэрбум, 2022 онд 280 тэрбум төгрөгийг цар тахлын эсрэг зарцуулжээ. Мөн эрүүл мэндийн салбарын илүү цагаар ажилласан ажилтнуудад /2020-2021 онд/  18 тэрбум төгрөгийг,    52 тэрбум төгрөгийг цалин урамшуулалд зарцуулсан байна.

Эх сурвалж:www.polit.mn