Т.САЙХАН

Төв талбай дээр өнөөдөр "Хүүхдийн мөнгийг Хүүхэд бүрт" уриатай жагсаалыг Иргэдийн оролцооны нэгдэл намаас зохион байгуулж байна.

Энэ үеэр УИХ-ын гишүүн асан Ц.Оюунгэрэл "Хүүхдийн мөнгийг хүүхэд бүрт олгох ёстой. Арван тэрбум төгрөг наад захын бага шатны албан тушаалтны гэрээс олдож байна. Өөрөөр хэлбэл, хулгайч нар хүүхдүүдээс хулгайлж идэж байна. Харин хүүхэдгүй байж өөрсдөдөө олон хүүхэд зохиож, мөнгийг нь завшиж байна уу гэдгийг мөрдөн шалгах хэрэгтэй. Монгол Улсын Ерөнхий сайд Л.Оюун-Эрдэнэ танаас 24 цагийн дотор хүүхдийн мөнгийг хүүхэд бүрд олгох шийдвэр гаргахыг шаардаж байна. Энэхүү шаардлагыг биелүүлж чадахгүй аваас таныг Монгол Улсын Ерөнхий сайдын албанд тэнцэхгүй хүн гэж үзэн дараагийн шаардлагыг тавих болно. Мөн энэ мэдээллийн зөрүүг үүсгэсэн төрийн бүх албан тушаалтан, хорооны дарга ажлаасаа огцрох ёстой. E-Mongolia системийг удирдан ажиллаж байгаа, хөрөнгө оруулсан бүх даргыг ажлаас нь халах ёстой" гэв.

Эх сурвалж:www.polit.mn