Б.ОД

Боловсрол, шинжлэх ухааны Үйлдвэрчний эвлэлийн холбооноос судлаачид, багш нарын цалинг инфляцын түвшнээс давуулан нэмэхийг шаардаж байгаа талаараа өнөөдөр мэдээлэл хийлээ.

Энэ үеэр  тус холбооны дарга З.Цогтгэрэл "Боловсролын салбарын мянга, мянган гишүүдээс нийгмийн баталгаа болсон цалин хөлс 15 хувиар нэмэгдэж байгаа нь инфляцаа ч гүйцэхгүй, ядууралд орлоо гэх мэдээллийг ирүүлсээр байна. Нийслэл болон орон нутгийн боловсролын салбарын байгууллагуудаас эдгээр мэдээллийг ирүүлж ойрын хугацаанд шийдвэрлэж өгөхийг шаардлаа.Хөдөлмөр нийгмийн Зөвшилцлийн гурван талт Үндэсний хороогоор 2023 оны төсвийг хэлэлцэхдээ нийгмийн Зөвшилцлийн гурван талаар хэлэлцсэнгүй. Үүнийг эсэргүүцэж байна. Мөн цалин хөлсийг 50-аас доошгүй хувиар нэмэгдүүлэх хэлэлцээр хийж баталгаажуулсан ч өнөөдрийн байдлаар үр дүнд хүрээгүй.Боловсролын салбарт ажиллаж байгаа, улс орныхоо тусгаар тогтнолыг хамгаалж байгаа хүмүүсийн цалин хөлсийг хоёрдугаар сард багтаан 50 хувиар нэмэгдүүлэхийг шаардсаар байна. Өөрсдийн хөдөлмөрт тохироогүй цалин хөлс өвч хөдөлмөрийн мөлжлөгт өртөж, хүний нөөцийн дутагдалд орж, боловсролын салбарт ажилласнаар ялгаварлан гадуурхагдаж буй эдгээр асуудалд төр засаг бодлогын түвшинд анхаарах хэрэгтэй” гэв.

 Эх сурвалж:www.polit.mn