Бямба гарагт Лондонгийн нэгэн сүмд халдлага болж амиа алдагсдын тоо зургаад хүрч, долоон настай охины биеийн байдал хүнд байна гэж Их Британийн Метрополитен цагдаагийн газраас мэдэгдэв.

Оршуулах ёслол болж байсан сүмийн ойролцоо үл таних этгээдүүд буудалцаан нээсний улмаас дөрвөн хүн, түүний дотор долоон настай хүүхэд шархадсан талаар цагдаа нар өмнө нь мэдээлж байсан.

"Өнөө үдээс хойш Финиксийн замд болсон буудалцаанаар зургаан хүн шархадсан, тэдний дотор долоон настай охин эмнэлэгт хүргэгдэж, биеийн байдал нь хүнд байгаа гэдгийг бид баталж байна. Яаралтай мөрдөн байцаалтын ажиллагаа явуулж байна" гэж цагдаагийн байгууллага твиттер хуудсандаа бичжээ.

Цагдаа нар бямба гаригт мэдээлснээр, анхны мөрдөн байцаалтын дагуу, явж байсан машинаас буун дуу гарсан бөгөөд дараа нь хэргийн газрыг орхисон байна. Хэргийн гэрчүүдийг цагдаад хандахыг хүссэн байна.