Б.ОД

Өнгөрсөн долоо хоногийн сүүлчээр манай улсын ихэнх нутгаар хүйтний эрч суларсан.Тэгвэл нэгдүгээр сарын энэ дулаарал нь ховор үзэгдэл эсэх болон нэгдүгээр сард хамгийн дулаандаа хэдэн хэм хүрч байсан талаар Цаг уур, орчны шинжилгээний газрын Урьдчилан мэдээлэх хэлтсийн дарга Л.Оюунжаргалаас тодрууллаа. 

Тэрбээр “Ховд аймгийн Зэрэг суманд 1979 оны нэгдүгээр сарын 7-нд +13.8 градус хүрч байсан.Харин сүүлийн жилүүдэд манай орны хувьд хамгийн дулаан байдаг говийн бүс нутгаар тухайлбал 2021 онд 0...+5.8 градус, 2020 онд 0..+5.2 градус, 2021 онд 0...+6.8 градус дулаан байжээ.Энэ жилийн хувьд 0..+8 градус хүрсэн байна. Энэ нь уур амьсгалын өөрчлөлт, дэлхийн дулааралтай холбоотой. Энэ жилийн хувьд нэгдүгээр сарын 6-наас говийн бүс нутгийн зарим сумдын нутгаар нэмэх температуртай болж эхэлсэн. Энэ байдал 12-нийг хүртэл үргэлжлэхээр төлөвтэй байна. 7-ны өдөр Өмнөговь аймгийн Номгон суманд +8 градус хүрсэн.Одоогоор түүхэн дээд хэмжээндээ хүрээгүй байна” гэв.

Эх сурвалж:www.polit.mn