Б.ДОЛЖИНЖАВ

 Их Британи улс 2022 онд түүхэндээ хамгийн их хэмжээний эрчим хүчийг салхины эх үүсвэрээс гаргаж авчээ. Тодруулбал, тус улсын өнгөрсөн онд сэргээгдэх болон цөмийн эх үүсвэрээс гаргасан нийт эрчим хүчний хэмжээ нь нүүрс болон хий зэрэг чулуужсан түлшний эх үүсвэрээс гаргаснаас давсан байна.

Салхи, нарны эх үүсвэрээс эрчим хүч үйлдвэрлэх зардал жилээс жилд буурч байгаа нь дэлхийн хүлэмжийн хийн үйлдвэрлэлийг бууруулж, уур амьсгалын өөрчлөлтийг сааруулах гол арга зам юм.

Өнгөрсөн онд Их Британийн хамгийн том эрчим хүчний эх үүсвэр байгалийн хий 38 хувь байсан бол салхи 27 хувь буюу хоёр дахь том эх үүсвэр болжээ. Нийт эрчим хүчний 48 хувь нь сэргээгдэх болон цөмийн эх үүсвэрүүдээс, 40 хувь нь нүүрс, хий зэрэг чулуужсан түлшний эх үүсвэрүүдээс бүрдсэн байна. Украинд үүссэн хурцадмал асуудал эрчим хүчний хомсдол үүсгэсэн нь дэлхийн олон орон сэргээгдэх эрчим хүчний эх үүсвэрүүд рүү улам хурдтай шилжих нөхцөлийг бүрдүүлж байна.

 Эх сурвалж:Reuters