Т.САЙХАН

 БНХАУ-ын Эрээн хот чиглэлд зорчигчдын тогтмол тээврийн үйлчилгээг өнөөдрөөс буюу энэ сарын 08-ны өдрөөс эхлүүлж байна.  Автотээврийн Үндэсний төвөөс хил нээсэнтэй холбогдуулан мэдээлэл өгчээ. 

Тасалбарыг зөвхөн онлайн тасалбар борлуулалтын систем eticket.transdep.mn-аар бичих бөгөөд өдөрт 300 зорчигчийг хил нэвтрүүлнэ. Иймд иргэн та дараах шаардлагуудын ханган тус чиглэлд зорчих тасалбараа авна уу. Үүнд:

• Сүүлийн 48 цагийн хугацаанд гарсан /ПГУ/-ын шинжилгээний “сөрөг” хариуг үндэслэн зорчих тасалбарыг захиалах
• Хилийн хяналт шалгалтаар нэвтрэхдээ /ПГУ/-ын шинжилгээний “сөрөг” хариуг биедээ тогтмол авч явахыг анхаарна уу
• /ПГУ/-ын шинжилгээний “сөрөг” хариу байхгүй тохиолдолд хил дээрээс буцах тул Иргэн та хариуцлагатай хандана уу. Үүнээс үүссэн асуудлыг иргэн өөрөө бүрэн хариуцна.

Дорноговь аймгийн Замын-Үүд сумаас өдөр бүр:

• 08:00,
• 08:30,
• 09:00,
• 09:30,
• 10:00,
• 10:30,
• 11:00 цагт тээврийн үйлчилгээг үзүүлнэ.

Тасалбар том хүн – 25 мянга, хүүхэд 12 мянга 500 төгрөгийн үнэтэй байна гэжээ. 

Эх сурвалж:www.polit.mn